Tímarit lögfræðinga - 01.01.1968, Blaðsíða 54

vottorð frá bæjarfógetanum í Vestmannaevjum þess efnis,
að skv. veðmálabókum Vestmannaeyja væri stefndi skráð-
ur eigandi bátsins frá 20. nóvember 1962 til 19. apríl 1963.
Síðan segir í forsendum dómsins: „Samkvæmf 1. mgr.
12. gr. laga nr. 61/1947 sbr. 10. gr. laga nr. 103/1952 bar
stefnda að tilkvnna vátryggingarfélagi á því svæði, sem
skipið fluttist á, og samábyrgðinni, ef vörzluskipti urðu
á bátnum fyrir 19. apríl 1963, og samkvæmt sömu grein
in fine fellur ábyrgð fyrra félagsins niður jafnskjótt og
skip hefur verið skrásett á öðru umdæmi. Engin slík til-
kynning bggur frammi í málinu. Með hliðsjón af 12. gr.
laga nr. 61/1947, sbr. 2. gr. sömu laga og eðli máls að
öðru leyti, verður að líta svo á, að stefndi sé greiðslu-
skyldur fyrir umrætt tímabil, þ. e. meðan hann var þing-
lýstur eigandi bátsins. Haggar það hér engu um, þótt síð-
ari kaupendur bátsins, þeir P og G, hafi tekið að sér
gagnvart stefnda að greiða skuld þessa.
Að því er varðar þá málsástæðu stefnda að skuldin sé
niðurfallin vegna aðgerðarleysis við hina síðari nauðung-
arsölu er það að athuga, að upphaldssalan, sem fór fram
í Stykkishólmi hinn 7. febrúar 1964 á bátnum, sem 'þá
var eign P og G, að því er ætla má, gat á engan hátt
haggað því kröfuréttarsambandi, sem þá var milli aðilja
þessa máls. Verður því þeirri málsvörn ekki sinnt.“
Samkvæmt þessu voru kröfur stefnanda teknar til greina
enda voru þær tölulega óvéfengdar.
Dómur Bþ. 18. október 1965.
Réttur til firmanafns.
1 máli sem fyrirtækið Einir h.f., Akureyri, höfðaði fyrir
bæjarþingi Reykjavíkur gegn eigendum Trésmiðjunnar
Einis s.f. í Reykjavík gerði stefnandi þær dómkröfur, að
stefndu væri dæmt óheimilt að nota orðið „Einir“ sem
nafn á fyrirtæki þeirra, að stefndu væru dæmdir að við-
lögðum 500,00 króna dagsektum in solidum til að láta
afmá úr firmaskrá Reykjavíkur nafnið Trésmiðjan Einir
52
Tímarit lögfræðinga