Tímarit lögfræðinga - 01.01.1968, Blaðsíða 22
raunhæfar nú, eins og fyrr segir. 1 samkomulaginu við
Breta frá 1961 er gert ráð fyrir, að við skulum tilkynna
ríkisstjórn Bretlands frekari útfærslu fiskveiðilögsögu
okkar með sex mánaða fyrirvara. Bísi ágreiningur um
slíka útfærslu skuli honum, ef annar hvor aðili óskar,
skotið til Alþjóðadómstólsins. Er hætt við, að dómur þar
i málinu myndi ekki ganga okkur i vil, eins og sakir
standa. 1 rauninni breytir þetta samkomulag við Breta
hér engu um, því út frá almennum réttarefnisatriðum er
stærri fiskveiðilögsaga en 12 mílur véfengd í dag. Úti-
lokar það þó auðvitað ekki, að síðar meir verði þróunin
slík, að víðari fiskveiðilögsaga en 12 milurnar verði talin
góð lög, og að slikri þróun ber íslenzkum stjórnvöldum
vitanlega að vinna.
En hvernig horfa þá sakir um takmarkaða verndar og
fiskveiðilögsögu á landgrunninu? Eins og úrslitin í at-
kvæðagreiðslunni í Genf um íslenzku tillöguna sýndu á
sú hugmynd þegar allmiklu fylgi að fagna. Þvi er það
meginverkefni næstu ára að vinna þeirri hugmynd aukið
fylgi. Er augljóslega mun hægara að sækja slík réttindi
handa örfáum þjóðum, sem eiga flest sitt undir fiskveið-
um, en fá fram almenna útfærslu fiskveiðilögsögunnar.
Amsar leiðir eru til i þessu efni. Utanríkisráðherra hef-
ur þegar vakið athygli á sjónarmiðum Islendinga i ræðu
sinni á 21. þingi Sameinuðu þjóðanna 1966. Málið er síðan
hægt að taka upp, og fá sérstaklega um það fjallað, bæði
í FAO og öðrum sérstofnunum Sameinuðu þjóðanna.
þjóðanna. A vettvangi Norðurlandanna má einnig reka
málið, því hér fara hagsmunir þeirra allra saman. Loks
lcæmi einnig til greina að kölluð yrði saman ráðstefna
allra þeirra ríkja, sem hér eiga hagsmuna að gæta, þar
sem þau gerðu sameiginlegar yfirlýsingar um málið og
vektu á því athygli. Er þá ótalið allt það kynningarstarf,
sem i þessu efni má vinna að tjaldabaki og með aðstöðu
okkar og atkvæði í þeim öðrum alþjóðasamtökum, semi
við erum aðilar að.
20
Tímarit lögfræðinga