Tímarit lögfræðinga - 01.06.1968, Blaðsíða 24
var svo samþykkt bráðabirgðaályktun fyrir mannréttinda-
árið og mælt með því við aliar rikisstjórnir aðildarrikj-
anna, að þær tækju þá álvktun til greina, m. a. með því,
að lýsa því yfir, á formlegan hátt, að þær styddu trú sína
á virðingu fyrir mannréttindum og myndu halda fast við
þá stefnu, sem mörkuð var með ákvæðum mannréttinda-
yfirlýsingar Sameinuðu þjóðanna frá árinu 1948. Þá var
og til þess ætlast, að aðildarríkin létu Mannréttindanefnd
Sameinuðu þjóðanna í té, allar upplýsingar um þær ráð-
stafanir, sem þær hyggðust gera af þessu tilefni til vernd-
ar almennum mannréttindum. Þá var þess og farið á leit,
að aðildarríkin leituðu á sama hátt til einkastofnana, há-
skóla og félagasamtaka, sem áhuga kynnu að hafa fyrir
vernd mannréttinda, í því skyni, að þessir aðiljar tækju
einnig á einhvern hátt þátt í Mannréttindaárinu.
Flest aðildarríki Sameinuðu þjóðanna brugðust mjög
vel við þessum áskorunum Allsherjarþingsins og um allan
heim var nú hafinn undirbúningur fyrir nefnda alheims-
ráðstefnu, m. a. með fyrirlestrum, allskonar upplýsinga-
starfsemi og á annan hátt. Alþjóðaráðstefnan sjálf er nú
hinsvegar einmitt um þessar mundir haldin i borginni
Teheran í Iran og er gert ráð fyrir þvi að hún standi
yfir í allt að þvi einn mánuð.
Hér á landi hefur enn litið verið gert af því, að kynna
mönnum þessi mál. Þó er mér tjáð, að Félag Sameinuðu
þjóðanna, sem hér starfar hafi nýlega kjörið landsnefnd
Mannréttinda, sem gangasl mun eiga fyrir kynningu hér
á landi á þessum málum, m. a., með fyrirlestrum í skól-
um landsins, hjá félagasamtökum víðsvegar um landið og
á annan hátt. Eigi er mér hinsvegar kunnugt um, hvað
hér hefur verið gert af opinberri hálfu af tilefni fyrr-
greindrar samþykktar Sameinuðu þjóðanna, en skiljan-
legt kann að vera, að Island hafi ekki haft tök á, að taka
þátt í hinnu alþjóðlegu ráðstefnu um mannréttindi, sem
nú er haldin 1 Teheran.
Eins og ég gat um hér áður, þá var Mannréttindayfir-
84 7 imarit lögfræðinga