Tímarit lögfræðinga - 01.06.1968, Blaðsíða 85
Um gjalddaga víxils.
D. höfðaði mál gegn fyrirtækinu S. h.f., til greiðslu
víxils að fjárhæð kr. 17,000,00, útg. 8. 2. 1967 af D. en
samþykkts af stefnda til greiðslu í Iðnaðarbanka Islands
h.f., þann 8. júní (sic). Víxillinn var afsagður vegna
greiðslufalls 11. 7. 1966. Utgefandi var ábekingur á víxl-
inum.
I stefnu málsins sagði m. a., að gjalddagi víxilsins skyldi
vera hinn 8. 7. 1966, en af vangá hafi ártalið fallið niður.
Af þessum sökum hafi víxillinn verið sýndur til greiðslu
hinn 11. júlí, enda megi líta svo á, að hér sé um að ræðu
sj’ningarvíxil.
Stefndi sótti hvorki né lét sækja þing og var málið því
dæmt eftir 118. gr. laga nr. 85/1936. I niðurstööu dóms-
ins segir m. a. svo:
„Útgáfudagur umstefnds víxils er 2. febrúar 1966. Til-
greindur gjalddagi er 8. júní, en án ártalssetningar. Skráð
dagsetning og mánaðarsetning gjalddaga víxilsins getur
legið innan útgáfuárs víxilsins og ber því að skoða gjald-
daga víxilsins á því ári, þ. e. 8. júlí 1966, enda getur stefn-
andi þess beinlínis í stefnu, að tilætlunin hafi verið að
hafa þann gjalddaga víxilsins. Þegar af þessari ástæðu
verða kröfur stefnanda teknar til greina.“ Dómur upp-
kveðinn 20. janúar 1968.
Um fyrningu víxilkröfu.
Á. höfðaði mál gegn T. til greiðslu víxils að fjárhæð
kr. 100,000,00, útgefins 20. ágúst 1964 af stefnanda, en
samþykkts af stefnda til greiðslu í Samvinnubanka Is-
lands h.f., Reykjavík, þann 20. desember 1964. Víxillirm
var ekki afsagður, en stefnandi var ábekingur. Stefnandi
krafðist dráttarvaxta, stimpilkostnaðar og málskostnað-
ar, þar af kr. 3,187,00 i löghaldskostnað. Jafnframt krafð-
ist stefnandi staðfestingar á löghaldi, sem gert hefði verið
í húseign stefnda í Kópavogi, en löghald þetta hafi verið
framkvæmt af fógetarétti Kópavogs þann 14. 12. 1967.
Tímarit lögfræðinga
145