Tímarit lögfræðinga - 01.06.1968, Blaðsíða 15
TIMARIT LOGFRÆÐINGA
2. hefti 1968
ÁR MANNRÉTTINDA 1968
A allsherjarþingi Sameinuðu þjóðanna 1966 var sam-
þykkt ályktun þess efnis, að árið 1968, skyldi sérstaklega
minnzt almennra mannréttinda. Tilefnið var, að hinn
10. des. 1948 samþykkti Allsherjarþingið yfirlýsingu um
mannréttindi og mannfrelsi. Eins og kunnugt er, eru
aðildarríki Sameinuðu þjóðanna í öilum heimsálfum
ólik að menningu, trúarbrögðum, stjórnskipan og stjórn-
arfari. Þ'að er því, að mörgu leyti erfitt að koma ýmsum
hugðarefnum í framkvæmd, þótt talsverðir hópar þjóða
séu sammála á tilteknum sviðum. Því hefur þróunin
orðið sú, að ýmsar þjóðir skyldar að hugsunarhætti og
menningu hafa tekið upp samvinnu sín í milli á nánar
afmörkuðum sviðum. Þjóðir Vestur-Evrópu hafa farið
þessa leið og í þvi skyni var m. a. komið á fót Evrópu-
ráðinu, sem vinnur að nánari samvinnu þátttökurikj-
anna á ýmsum sviðum, m. a. á sviði mannréttinda og
mannfrelsis. Samningurinn um verndun mannréttinda
og mannfrelsis var undirritaður í Róm 4/11 1952. Hann
fékk gildi fyrir ísland 29/6 1953.
Samningurinn nær einungis til þeirra 18 ríkja, sein
aðilar eru að Evrópuráðinu, en tvö þeirra — Frakk-
land og Sviss hafa ekki gerzt aðilar að honum. Sviss
mun þó í þann veginn að gera það. Fimm viðbætur hafa
verið gerðar við samninginn, en bæði að þvi er þær
snertir svo og samninginn sjálfan hafa ýmis ríki gert
fyrirvara og sést á skrá, sem hér fylgir, hver aðstaða