Tímarit lögfræðinga - 01.06.1968, Blaðsíða 68
við ráðningu stefnanda staðið í þeirri trú, að stefnandi
hefði bókhalds- og vélritunarþekkingu, en sú þekking
hafi ekki verið slík, sem ætlast hafi verið til. Bókhalds-
þekking hafi verið lítil og vélritunarþekking fyrir neðan
allar hellur. Kvaðst hann eitt sinn hafa orðið að láta stefn-
anda skrifa sama bréfið fjórum sinnum. Hafi hann oft-
lega fundið að við stefnanda. Hann kvað ekkert hafa ver-
ið unnt að setja út á framkomu og stundvísi stefnanda
fyrstu þrjá mánuði starfstíma hans, en eftir það hafi
stefnandi farið að sýna þrjózku við að framkvæma verk
á skrifstofunni og ýmislegt hafi verið við vinnu hans að
athuga. Kvaðst hann muna eftir því, að síðasta daginn,
sem hann var á skrifstofunni, áður en hann fór erlendis,
hafi hann falið stefnanda að senda hluthöfum stefnda
fjölritaðar ársskýrslur og reikninga stefnda mjög fljót-
lega. Þegar hann hafi komið til baka 3 vikum síðar hafi
skýrslurnar og reikningarnir legið á sama stað og þegar
hann fór. Kvaðst hann hafa lagt fyrir stefnanda að senda
umræddar skýrslur í lokuðu bréfi, enda taldi hann þær
trúnaðarmál, en síðar hafi hann komizt að því, að þetta
hafi verið sent sem prentað mál. Skömmu eftir að hann
hafi komið að utan, hafi hann séð, að vinnubrögð stefn-
anda hefðu verið lélegri en nokkru sinni fyrr. Mánudag-
inn 22. júli 1958 kvaðst hann hafa fundið mjög að vinnu-
brögðum stefnanda, en þá hafi hann beðið um vikufri.
Þá kveðst framkvæmdastjórinn hafa svarað: „Þú getur
fengið alveg frí“ og þá hafi stefnandi svarað: „það er
ágætt því að ég er alveg jafnfegin að hætta, eins og þú
að losna við mig, því ég er búinn að ráða mig annars
staðar frá 1. september“. Hafi þarna tekizt fullt sam-
komulag um, að stefnandi hætti störfum hjá stefnda. Og
þar sem fullt samkomulag hafi tekizt, hafi ekki komið til
þess að beita brottrekstri, þótt ástæður hafi verið til þess.
Stefnandi hafi tekið við launum sínum án nokkurs fyrir-
vara um uppsagnarfrest, enda kvaðst framkvæmdastjór-
inn hafa ella látið stefnanda vinna >rmis störf hjá fyrir-
128
Tímarit lögfræðinga