Tímarit lögfræðinga - 01.11.1978, Qupperneq 41

Meðal fjölmargra annarra breytinga á framkvæmdaákvæðum lag-
anna má nefna, að kærufrestir eru lengdir nokkuð, og gerður er munur
á heimild skattyfirvalda til endurákvörðunar skatts, eftir því hvort
nýjar upplýsingar koma fram eða hvort þær upplýsingar, sem byggja
mátti rétta álagningu á, komu fram strax með framtali skattaðila.
Allnokkrar breytingar eru og gerðar á viðurlagaákvæðum tekju-
skattslaga. Sem dæmi má nefna, að ekki er lengur skylt að beita álagi,
vegna þess að ekki er talið fram í tíma eða framtal er rangt eða ófull-
nægjandi. Þá er heimilað að sekta lögaðila, en það er nýmæli í tekju-
skattslögum. Refsimörk eru hækkuð verulega fyrir ítrekuð brot eða
miklar sakir og er hámarksrefsing nú 6 ára fangelsi.
135