Tímarit lögfræðinga - 01.12.1990, Síða 65

9. Hið árlega málþing félagsins var haldið að þessu sinni síðasta föstudag í
september, hinn 28. september 1990 og stóð frá kl. 13.15 til 18.00, þegar
léttar veitingar voru framreiddar. Málþingið var haldið í Viðeyjarstofu,
og var efnið Evrópuréttur. Framsögumenn voru Hannes Hafstein for-
maður samninganefndar íslands í viðræðum EFTA og EB, Stefán Már
Stefánsson prófessor, Stefán Þórisson lögfræðingur, Jón Ögmundur
Þormóðsson skrifstofustjóri og Rainer Voss varaformaður þýska dóm-
arafélagsins. Þátttakendur voru 127 talsins og var Gunnar G. Schram
fundarstjóri. Varaformaður félagsins, Skúli Guðmundsson, hafði forystu
fyrir undirbúningsnefnd og var Stefán Már Stefánsson prófessor nefnd-
inni til halds og trausts.
Bókaðir fundarmenn voru alls 535, að málþinginu meðtöldu eða að meðaltali
59 - 60 á hverjum fundi.
Stjórnin þakkar öllum þeim sem fluttu erindi á fundum félagsins. Þeir lögðu á
sig mikla vinnu til þess að fræða félagsmenn.
II. Jólatrésskemmtun fyrir börn og barnabörn félagsmanna var haldin í sam-
vinnu við Lögmannafélag íslands 29. desember í Átthagasal Hótel Sögu. Þessi
nýbreytni mæltist vel fyrir.
III. Jónatan Þórmundsson prófessor, sem verið hafði ritstjóri tímaritsins frá
1984, baðst lausnar frá störfum á síðastliðnu ári frá og með 39. árgangi 1989.
Hann vann glæsilegt starf, og varð sæti hans ekki auðskipað. Þeir Friðgeir
Björnsson yfirborgardómari og Steingrímur Gautur Kristjánsson borgardómari
tóku starfið að sér sameiginlega og er þeim þakkað fyrir það. Þeir eru boðnir
velkomnir til starfa og hafa þeir þegar gefið út fyrstu rit þessa árgangs. Um leið
er Jónatan Þórmundssyni þakkað fyrir hans mikla og góða starf, sem unnið var
af hans alkunnu eljusemi, nákvæmni og fræðimennsku. Undir ritstjórn hans
hefur tímaritið blómstrað. Stendur félagið í mikilli þakkarskuld við hann og
fyrirrennara hans í ritstjórastarfinu fyrir störf þeirra við að halda uppi þessum
þætti lögfræðinnar í landinu.
IV. Stjórnarfundir voru alls 16. Milli funda var mikið starf unnið að auki. Erla
S. Árnadóttir framkvæmdastjóri tímaritsins vann að samningum við nýjan
prentstað þess ásamt hinum nýju ritstjórum og annaðist önnur málefni tímarits-
ins. Dögg Pálsdóttir gjaldkeri félagsins sá um fjármál félagsins og bókhald, og
Ingvar J. Rögnvaldsson ritari hélt utan um bækurnar. Skúli Guðmundsson
varaformaður stjórnaði nefnd stjórnarmanna sem sá um undirbúning málþings-
ins.
191