Tímarit lögfræðinga - 01.09.2000, Page 42

milliverðlagningu er nú að finna í 482. gr. bandarísku tekjuskattslaganna (IRC
Sec. 482). Þróunin í Bandaríkjunum hefur verið með þeim hætti að jafnvel
sérfróðir skattasérfræðingar hafa átt í vandræðum með að nota og skilja hin
fóknu hagfræðilegu líkön sem notuð eru í sambandi við armslengdarkjör. Því
hefur jafnvel verið haldið fram að réttaröryggi í Bandaríkjunum sé ekki full-
nægjandi með tilliti til milliverðlagningar.57
Bandarískar reglugerðir lýsa meginviðmiðun (e. standard) 482. greinar um
milliverðlagningu þannig:
Við ákvörðun skattskyldra tekna tengds skattgreiðanda ber að miða við sem megin-
viðmiðun í hverju máli að litið sé til skattgreiðanda sem á viðskipti við ótengdan
skattgreiðanda í armslengd.58
Skattgreiðandinn ber sönnunarbyrðina fyrir því að styðja armslengdareðli
milliverðlagningar sinnar og IRS (Internal Revenue Service) getur krafið hann
um ítarlega framlagningu gagna til staðfestingar millverðs hans ef hann lendir
í skattendurskoðun í Bandaríkjunum. Samkvæmt bandarískum reglum má beita
sektum í milliverðsmálum. Bandarrkin eru meðlimir í OECD og hafa almennt
fylgt meginsjónarmiðum þeirrar stofnunar sem fram koma í leiðbeiningum
hennar. Það er þó nokkur munur á bandarísku reglunum og OECD leiðbeining-
unum. Meginmunurinn liggur í því að í bandarísku reglunum er aðferðum ekki
raðað í forgangsröð og Bandaríkin viðurkenna umsvifalaust hagnaðarstuddar
reglur (e. profit based methods). Þá eru Bandaríkjamenn einir með það viðmið
að verðlagning milli félaga á óáþreifanlegum eignum megi taka mið af tekjum
sem slíkar eignir gefa af sér. Þessu til viðbótar eru ólík viðhorf hjá Bandaríkja-
mönnum og OECD varðandi notkun reglunnar „efni umfram form“ (e. sub-
stance over form) og Bandaríkin leyfa notkun sambærilegu hagnaðarreglunnar
(CPM) við mat á verðlagningu óáþreifanlegra eigna þar sem OECD leyfir slíkt
ekki varðandi samsvarandi reglu (TNMM). Þá er mismunur í meðferð innan
samstæðuþjónustu.
7.3 Bretland
Breskar reglur hafa sætt róttækri endurskoðun á síðustu árum. Nýjar reglur
eru að leysa af hólmi eldri reglur sem innleiddar voru í Bretlandi á sjötta ára-
tugnum. Samkvæmt eldri reglum var skattgreiðendunr ekki skylt að gera grein
fyrir tekjum sínum á armslengdargrunni þrátt fyrir heimildir skattyfirvalda til
þess að gera leiðréttingar í samræmi við þá meginreglu. Samkvæmt nýju regl-
58 Treas. Reg. gr. 1.48-1 (b)( 1).
110