Tímarit lögfræðinga - 01.02.2002, Síða 87

A VIÐ OG DREIF
FRÁ DÓMARAFÉLAGI ÍSLANDS
1. Starfsárið 1996-1997
Á aðalfundi félagsins sem haldinn var 8. nóvember 1996 á Hótel Sögu,
Reykjavík, var Allan Vagn Magnússon héraðsdómari endurkjörinn formaður
félagsins en aðrir í stjóm voru kjörin Ólöf Pétursdóttir dómstjóri, varaformaður,
Garðar Gíslason hæstaréttardómari, meðstjórnandi, Helgi I. Jónsson héraðs-
dómari, ritari og Þorgeir Ingi Njálsson héraðsdómari, gjaldkeri. í varastjórn
voru kjörin Freyr Ófeigsson dómstjóri og Hjördís Hákonardóttir héraðsdómari.
Að loknum aðalfundarstörfum stjórnaði Freyr Ófeigsson dómstjóri almenn-
um umræðum um framtíðarskipan dómstóla í héraði en að því loknu flutti Þór
Vilhjálmsson, dómari við EFTA-dómstólinn, erindi um ráðgefandi álit EFTA-
dómstólsins.
Þann 14. desember 1996 var sameiginlegur jólahádegisverðarfundur Dóm-
arafélags íslands, Lögmannafélags Islands og Lögfræðingafélags íslands hald-
inn í Víkingasal Hótels Loftleiða. Ræðumaður var Ólafur G. Einarsson, forseti
Alþingis, og fjallaði hann um samskipti löggjafarvalds og framkvæmdavalds.
Þann 31. janúar 1997 var haldinn almennur félagsfundur um athugunarefni í
drögum að frumvarpi til dómstólalaga sem réttarfarsnefnd hafði til meðferðar.
Hafði Stefán Már Stefánsson prófessor framsögu um efnið.
Þann 6. júní 1997 hélt félagið í samvinnu við LMFÍ málþing á Þingvöllum
þar sem kynnt voru nýju lögræðislögin, þær breytingar sem gerðar höfðu verið
á lögum um meðferð opinberra mála og varða meðferð ákæruvalds og lög um
samningsveð.
Þann 30. október 1997 kynnti Haukur Hafsteinsson, framkvæmdastjóri Líf-
eyrissjóðs starfsmanna ríkisins, breytingar á lögum um lífeyrissjóðinn og atriði
varðandi deildaskiptingu hans.
Dagana 29. og 30. nóvember 1996 efndi dómarafélagið, í samvinnu við End-
urmenntunarstofnun Háskóla Islands, til námskeiðs um lestur og greiningu árs-
reikninga fyrirtækja og dagana 14. og 15. febrúar 1997 efndi félagið á sama hátt
til námskeiðs um ný upplýsingalög. Þá var sömuleiðis haldið námskeið á veg-
um félgsins um EES-reglur og íslenskan landsrétt 3. og 4. október 1997. Nám-
skeið um mannréttindareglur í stjómarskrá og alþjóðasamningum var haldið 21.
og 22. nóvember s.á.
Haldnir vom samráðsfundir stjórna DÍ og LMFÍ 10. apríl og 5. september
1997 þar sem rædd voru sameiginleg málefni félaganna.
Þing Alþjóðasambands dómara varhaldið í Puerto Rico 11.-16. október 1997
og sóttu það af hálfu félagsins Allan Vagn Magnússon, sem starfaði í I. nefnd,
Garðar Gíslason, er starfaði í II. nefnd og Helgi I. Jónsson, sem starfaði í III.
nefnd. Skiluðu þeir skýrslum um störf sín í nefndunum.
Fundur formanna og varaformanna norrænu dómarafélaganna var haldinn í
Álasundi 15. og 16. ágúst 1997 og sótti formaður fundinn.
81