Tímarit lögfræðinga - 01.02.2002, Blaðsíða 95

2001 um fjölgun dómsmála og hvort fjölga þyrfti héraðsdómurum og aðstoðar-
mönnum þeirra. Jafnframt var rætt hvort rétt væri að breyta réttarfarslögum um
þingfestingu einkamála o.fl. til að auka skilvirkni héraðsdómstóla. Framsögu-
menn voru Sigurður Tómas Magnússon, formaður Dómstólaráðs, Helgi I. Jóns-
son, formaður DÍ, og Þorgerður Erlendsdóttir, settur héraðsdómari.
Árlegt málþing félagsins og Lögmannafélags íslands var haldið á Þing-
völlum 8. júní 2001. Þar var fjallað um efnið: Viðskipti á tölvuöld - Persónu-
vernd á tölvuöld. Fyrir hádegi flutti Skúli Magnússon, lektor við lagadeild Há-
skóla íslands, erindi um meginreglur laga og rafræn viðskipti. Einar Baldvin
Stefánsson, lögfræðingur hjá Verðbréfaskráningu íslands, fjallaði um rafræna
skráningu verðbréfa, framsal, veðsetningu og tengsl við viðskiptabréfareglur og
Birgir Már Ragnarsson hdl., aðstoðarframkvæmdastjóri Auðkennis hf., talaði
um rafrænar undirskriftir og lagaleg álitaefni í því tilliti. Eftir hádegi flutti
Hlynur Halldórsson hdl. erindi um skráningu, vinnslu og meðferð persónuupp-
lýsinga. Nanna Magnadóttir lögfræðingur, þá starfandi skrifstofustjóri Héraðs-
dóms Reykjavíkur, fjallaði um birtingu dóma og úrskurða á netinu og að lokum
talaði Gunnar Sturluson hrl. um persónuvemd í fjarskiptum, tölvupósti, síma,
hlerun o.fl.
Formaður og varaformaður DI áttu samráðsfund með formanni, varaformanni
og framkvæmdastjóra LMFI20. mars 2001 þar sem rædd voru samskipti félag-
anna.
Dómarafélag íslands gekkst fyrir dómaraferð til Berlínar 3.-9. september
2001. 22 dómarar tóku þátt í ferðinni. Friðgeir Bjömsson, dómstjóri og ritstjóri
Tímarits lögfræðinga, hefur ritað grein í tímaritið um ferðina þar sem henni em
gerð góð skil.
Árlegur fundur formanna og varaformanna dómarafélaganna á Norðurlönd-
um var að þessu sinni haldinn í Reykjavík dagana 24.-25. ágúst 2001. Formenn
og varaformenn dómarafélaganna í Danmörku, Finnlandi, Noregi og Svíþjóð
sóttu fundinn auk formanns og varaformanns DÍ. Fundurinn byrjaði á föstu-
dagsmorgni í fundarsal Héraðsdóms Reykjavíkur og fyrir hádegi var rætt al-
mennt um starfsemi félaganna. Til umræðu kom meðal annars fjölgun dóms-
mála á héraðsdómstigi á íslandi og hvernig ætti að bregðast við henni. Var
athyglisvert að hinir norrænu gestir kváðust ekki skilja niðurlagningu dómara-
fulltrúakerfisins hérlendis. Hefði sú leið verið farin á hinum Norðurlöndunum
að styrkja stöðu dómarafulltrúa þannig að sömu reglur gilda um brottvikningu
þeirra og dómara. Mæltu þeir með því að við tækjum til skoðunar hvort ekki
væri rétt að endurreisa dómarafulltrúakerfið. Eftir hádegi var farið í heimsókn
í Hæstarétt íslands þar sem forseti réttarins, Garðar Gíslason hæstaréttardómari,
og Amar Þór Jónsson aðstoðarmaður tóku á móti hópnum og lýstu með mikl-
um ágætum sögu réttarins og viðfangsefnum. Að því búnu var fundi fram
haldið og tekið til við að ræða um reglur um eftirlaun og hlutastarf dómara á
Norðurlöndum. Þá var fjallað um sjálfstæða stjómsýslu dómstólanna, reglur um
tilnefningu dómara, aukastörf dómara og aga- og kæramál vegna dómara. Á
89