Búnaðarrit - 01.01.1895, Qupperneq 27

Vík í Mýrdal (d. 1820). Hann er kunnur orðinn af
viðurcign sinni við Jörgensen.
3. Þóra Guðbrandsdóttir Magnússonar prests í Garps-
dal Halldórssonar. Hau sjera Björn og kona hans unnu
henni einna mest allra fósturbarna sinna. Hún giptist
Ólaíi stúdent Einarssyni, bróður ísleifs yflrdómara og
sjera Gísla í Selárdal.
4. Gunnlauffur, sonur sjera Guðbrandar Sigurðssonar
á Brjánslæk og Sigriðar dóttur sjera Jóns yngra á
Gilsbakka Jónssonar prests Eyjólfssonar1. Þau Sigríður
móðir Gunnlaugs og Björn prófastur voru systkinabörn.
Sjera Björn ljct Gunnlaug sigla til Kaupmannahafnar.
Þar stundaði hann myndgerðaríþrótt í 7 ár við lista-
háskólann. Síðan stundaði hann lögfræði, og tók próf í
dönskum lögum. Gunnlaugur nefndi sig Briem; frá
honum er Briemsættin. Hann varð sýslumaður í Eyja-
fjarðarsýslu og kammerráð að nafnbót. Gunnlaugur
Briem þótti ágætur maður fyrir margra hluta sakir.
Hann dó 1834.
Björn prófastur hjolt sig nokkuð ríkmannlega, og
hafði á sjcr höfðingjasnið. Hann sparði nálega ekkert
við frændur sína og vini, og mörgum kjálpaði hann stór-
mannlega, cr honum þóttu líklegir til þroska og mann-
dóms. En eigi var hann kallaður örlátur við alþýðu
manna. Hann þótti ganga nokkuð ríkt eptir tekjum
sínum og skuldum, en sanngjarn var hann í öllum við-
skiptum, og laus við ásælni.
Sjcra Björn Þorgrímsson lýsir Birni Halldórssyni
’) Sjéra Guðbrandur hafði áður vcrið kvæntur Rannveigu Hall-
dórsdóttur, syBtur Bjera Bjarnar. Þau áttu cigi börn.