Búnaðarrit - 01.01.1923, Qupperneq 13

BÚNAÐARRIT
V
rnörg ár, bæði hjer í Reykjavík og víðsvegar út um
land.
Umbætur í húsagerð voru eitt af þeim málum, sem
fjelagið ljet til sín taka, bæði gerð íbúðarhúsa, einkum
til sveita, og peningshúsa. Fjelagið átti þátt í því, að
landið fór að launa sjerstökum manni til leiðbeininga í
húsagerð. Fjelagið Ijet sjer einnig umhugað um, að
sveitabændur votrygðu bæi sína.
Nokkrir menn voru árlega styrktir til búnaðarnáms
erlendis, bæði til náms við landbúnaðarháskóla og til
verklegs náms. Þeir eru orðnir margir, sem styrks hafa
notið í þessu augnamiði, og stundað hafa búnaðarnám,
bóklegt eða verklegt, bæði í Danmörku og Noregi; og
nokkrir hafa farið til Bretlands í þeim erindum. —
Búnaðarfjelagið ljet sjer umhugað um, að hæfur maður
legði stund á vatnsvirkjafræði erlendis, og komst það á
æskilegan rekspöl, áður en sjera Guðmundur lagði niður
formenskuna.
Það yrði of-langt mál, að halda lengur áfram að teija
upp öll þau viðfangsefni, er Búnaðarfjelagið hafði með
höndum eða hafði hug á að styrkja á einn eða annan
veg. Þótt það verði ekki rakið hjer, þá geymist mikið
af því eftirkomendunum til athugunar, bæði í Búnaðar-
ritinu, en einkum þó í gerðabókurn fjelagsins; það mun
©inhvern tíma þykja fróðlegt að líta í þær.
Sjera Guðmundur Helgason var fæddur í Birtinga-
holti 3. dag septembermánaðar 1853. Þegar hann var
23 ára gamall, vígðist hann aðstoðarprestur til sjera