Búnaðarrit - 01.01.1923, Page 48

32
BtfNAÐARRIT
Nýr banki var stofnaður til að sjá um þær lánveit-
ingar, sem lög þessi gera ráð fyrir, nefndist hann fyrst
„Arbejderbrug og Boligbank", nú hefir verið skift um
heiti á honum og kallast nú „Den Norske-stats sma-
bruks og bolig bank“, en þessi banki stendur í sam-
bandi og er stjórnað af öðrum norskum banka „Hypo-
tek-banken“.
Á árunum 1903—1914 lánaði banki þessi til nýbýla-
stofnana og verkamannabústaða 21 miljón kr., en lánin
voru alls 14,852 að tölu. Það er talið að þessi lán hafi
verið veitt til nær 14 þús. býla, þar af nær til kaupa
á býlum, sem áður voru til.
Nokkur atriði úr lögunum um „smabruk og boliglaan"
skulu tilfærð.
1. Starfsfje. Ríkið sjer um að útvega bankanum nægi-
legt starfsfje eftir því sem þingið ákveður.
2. Lán til bænda, sem varið sje til kaupa á minni
jörðum, byggja hús á þeim eða borga lán, sem á
þeim hvíla og stofna nýbýli.
í hverjum hreppi skal vera smábýlanetnd, sem valin
er af hreppsnefndinni, í henni meiga vera 3—5 menn.
Einn sje verkamaður, annar bóndi og þriðji bygginga-
fróður maður. Verkefni þessarar nefndar er að tryggja
hentuga jarðarskika til nýbýla og vera þeim er nýbýli
vilja stofna hjálpleg með útvegun á öllum upplýsingum
er þar að lúta.
Til þess að geta orðið aðnjótandi þeirra hlunninda,
sem lögin veita, eru sett ýms skilyrði, t. d. norskur
borgararjettur, að lánþegi megi eigi eiga meira en 3000
krónur og engar aðrar jarðeignir, ennfremur að hann
sje hæfur til að stunda búnað o. s. frv.
Land það, sem ætlað er til nýbýla þarf að fullnægja
vissum kröfum, það má ekki vera minna en 0,5 ha. af
ræktuðu eða ræktanlegu landi, auk annara hlunninda,
sem eru nauðsynieg til þess að halda uppi búskap, t. d.
bithaga, mótekju og skógarítaki.