Hlín - 01.01.1957, Page 30
28
HUn
arbaki, og tóku þau þar við búi, og hófu brátt myndar-
búskap. Var jörðin líka vel setin áður af foreldrum Þor-
steins: Vilborgu Þórðardóttur og Bjarna Þorsteinssyni.
Voru þau álitin vel efnuð á þeirra tíma mælikvarða.
Guðrún og Þorsteinn eignuðust 5 börn, eitt mistu þau
nýfætt, fjögur börn þeirra lifa, efnisfólk og mannvæn-
legt.*)
Þau hjón voru mjög samhent um að búa sjer og börn-
um sínum fyrirmyndarheimili, og nutu þess einnig í rík-
um mæli allir þeir, er með þeim dvöldu, eða hjá þeim
unnu, þar á meðal aldrað fólk, sem átti hjá þeim skjól,
og sumt af bví einmana og umkomulaust, sem naut þar
kærleiksríkrar umönnunar og umhyggju, ásamt hlýju og
góðu viðmóti og viðurgerning öllum. — Nokkuð af því
fólki fjekk að enda þar sitt æfiskeið.
Um 40 ár bjuggu þau Guðrún og Þorsteinn stórbúi á
Hurðarbaki, þar til sonur þeirra og tengdadótir tóku þar
við búi.
Á Hurðarbaki er hver í landareigninni, en nokkuð
langt frá bænum íbúðarhúsið er samt hitað upp með
vatni frá hvernum, er það hringrás. — Það var framkvæmt
nokkru eftir að yngri hjónin tóku við búi.
Síðustu æfiárin átti Guðrún við mikla heilsubilun að
búa, varð hún að þola þá þungu raun að geta ekki tekið
sjer verk í hönd árum saman, enda þótt hún hefði fóta-
vist. — Má nærri geta, hve erfitt henni hefur verið það,
svo óvenju vinnusöm og velvirk kona sem hún var. — Því
það má óhætt segja, að snildarhandbragð hafi verið á allri
*) Börn Guðrúnar og Þorsteins á Hurðarbaki eru: Vilborg,
útlærð hjúkrunarkona, Soffía, sem stundar verzlunarstörf í
Vestmannaeyjum, Bjarni, bóndi á Hurðarbaki, giftdr Sigríði
Sigurjónsdóttur frá Álafossi, formanni Sambands borgfirskra
kvenna, Sveinbjörn. giftur Svölu Einarsdóttur. Hafa þau búið í
Reykjavík og stundað kenslu, en verið á Hurðarbaki á sumrum,
eiga þar hús og gróðurhús. Þau eiga fjórar dætur. Hin eiga
ekki börn.