Búnaðarrit - 01.01.1989, Page 32

Gulrótaframleiðsla nam um 158 tonnum og meðalverð var um 123 kr. á
kg-
Hvítkálsuppskera nam um 260 tonnum og meðalverð var um 62 kr. á kg.
Svepparækt var svipuð og á liðnu ári. Kornhálmur var nægur og gæði
hans með besta móti. Hér virðist vera svigrúm fyrir meiri framleiðslu.
Blómarækt gekk sæmilega hvað varðar afskorin blóm, en veruleg afföll
voru á vissum tímabilum.
Rósarækt gekk yfirleitt vel, en nýplöntun var veruleg eða um 2.200 m:.
Eru þá rúmlega 19.000 m2 undir rósum hér á landi. Horfur eru á frekari
aukningu á næsta ári, eða um 1.800 m2, þannig að þá eru rósir undir gleri í
um 21.000 m2. Veruleg afföll urðu á rósum yfir hásumarið, en hins vegar
hafa nokkrir garðyrkjubændur aukið lýsingu verulega, sem eykur haust-,
vetrar- og vorframleiðslu verulega og léttir á hásumrinu. Til að þetta borgi
sig þarf orkuverð að vera viðráðanlegt. Hins vegar er líklegt að nokkuð
reyni á afkomu rósabænda þegar allar plöntur, sem eru í uppsiglingu, eru
komnar í fulla gjöf.
Chrysanthemum var í um 7.000 m2. Sala gekk sæmilega fyrri hluta árs, en
afföll voru mikil á haustmánuðum. Sömuleiðis voru veruleg tímabundin
afföll á sóllilju og nellikum.
Mjög þröngt var um sölu á pottaplöntum og nánast tregða allt árið. Af
einstökum tegundum var mest ræktað af jólastjörnu, eða alls um 70.000 stk.
Nokkuð magn seldist ekki, eða um 10.000 stk. Svo virðist sem burknar á
markaði hafi verið heldur færri en árið áður, eða um 25.000 stk.
Heildarvelta blóma mun hafa numið um 280 millj. kr. Innflutningsverð-
mæti blóma var alls um 65 milljónir króna. í báðum tilvikum er miðað við
heildsöluverð.
Sala sumarblóma, fjölærra plantna og trjáplantna var góð, þótt nokkur
afgangur yrði af einstaka tegundum. Mjög áberandi er að talsverður hópur
fólks, sem er að byggja upp nýja garða, vill fá þá nánast frágengna, en það
þýðir verulega eftirspurn eftir allstórum trjáplöntum, 1-2 m á hæð. Tæpast
hefir verið hægt að anna eftirspurn. Einnig er stöðugt vaxandi þörf fyrir
trjáplöntur í limgerði bæði fyrir bændur, garðeigendur og opinbera aðila.
Ég fór á tæknisýningu í Karlsruhe í S.-Þýskalandi ásamt nokkrum
starfsmönnum Sölufélags garðyrkjumanna og garðyrkjubændum. Þessi
sýning var mjög athyglisverð og að lokinni þeirri ferð skoðaði ég garðyrkju-
stöðvar í Rínardalnum. Búnaðarfélag Islands veitti mér nokkurn styrk til
fararinnar, sem ég þakka hér með.
Ég annaðist alls konar matsgerðir fyrir garðyrkjubændur, s.s. á innflutt-
um plöntum, sem höfðu orðið fyrir skaða í flutningi, gölluðum laukum og
hnýðum, svo og frost- og vatnsskaða og þá af völdum flóða í Eyjafjarðará.
Þá annaðist ég alls konar fyrirgreiðslu fyrir garðyrkjubændur s.s. erlend-
ar bréfaskriftir, útvegun tilboða, efnisútreikninga, matsgerðir á lýsinga-
30