Búnaðarrit - 01.01.1989, Page 75

Fiskeldisráðunauturinn
Nú er lokið miklu umbrotaári í sögu íslensks
fiskeldis. A árinu má segja að fiskeldi hér á
landi hafi hrokkið úr því að vera því sem næst
eingöngu seiðaframleiðsla í það að vera
laxamatfiskeldi. Gerðist þetta í kjölfar þess
að erlendir markaðir fyrir laxaseiði lokuðust.
Hér á landi höfðu verið framleiddar um 12
milljónir gönguseiða og hafði verið gert ráð
fyrir að meginhluti þeirra færi til útflutnings.
Nú þurfti að bregðast skjótt við nýjum
aðstæðum. Ríkisstjórnin heimilaði erlendar
lántökur svo hraða mætti uppbyggingu mat-
fiskeldis hér á landi, 300 milljónir kr. árið
1988 og 500 milljónir kr. 1989. Gert er ráð fyrir að matfiskframleiðsla taki
við þetta stökk frá um 1500 lestum 1980 í 4500 lestir 1989 og 10.000 lestir
árið 1990.
En þessi aukna framleiðsla krefst mikils rekstrarfjármagns og hefur
einmitt það verið stórt vandamál í fiskeldinu þetta árið. Eðli matfiskeldis er
að langur tími líður frá því að rekstur hefst og tekjur fara að fást. Ekkert
afurðalánakerfi hefur viðgengist og hafa fyrirtækin verið upp á náð
bankanna komin. í lok ársins samþykkti Alþingi frumvarp til laga um ríkisá-
byrgðir á lánum til fiskeldis og er nú vonast eftir því að fiskeldið fái
viðunandi rekstrarfyrirgreiðslu. Þó að það mesta í íslensku fiskeldi snúist
um lax, þá er mikill áhugi á öðrum tegundum. Bleikjueldi virðist ætla að
verða vænlegur kostur, en nokkrum spurningum er þó enn ósvarað hvað
það varðar. Tilraunir eru nú gerðar með eldi á lúðu, bæði við Grindavík og á
Hjalteyri. Bindur undirritaður miklar vonir við þær tilraunir. Tilraunaeldi á
sæsniglum er hafið við Grindavík og mikill áhugi er nú á álaeldi.
Starfandi fiskeldisstöðvar voru taldar 120 á árinu, þar af 60 seiðaeldis-
stöðvar, 19 strand- og landeldisstöðvar, 21 kvía- og fareldisstöð og 20
hafbeitarstöðvar. Tólf nýjar stöðvar hafa bæst við á árinu og fleiri eru í
byggingu eða undirbúningi.
Óskar ísfeld Sigurðsson
73