Búnaðarrit - 01.01.1989, Side 92

afsláttur. Boðið er upp á svefnpokapláss eða gistingu í uppbúnu rúmi og
morgunverð. 41 félagsmaður samþykkti og bauð þessi sölukerfi.
Veiðiflakkarinn er sölukerfi silungs- og laxveiða. Með þessu kerfi er verið
að reyna að koma þessari auðlind í seljanlegt form. Útbúinn er sérstakur
bæklingur, sem dreift er í sambandi við sölu á veiðimiðum. Þessir veiðimið-
ar gilda sem greiðsla í veiðisvæðin, sem í boði eru í bæklingnum, en veiðin
kostar mismarga miða. Gífurleg vinna var að útbúa Veiðiflakkarann, en
upplýsingasöfnunin var þar líklega drýgst. í bæklingnum eru í boði 13
veiðisvæði, sem eru dreifð um allt land.
Bæði þessi sölukerfi mæltust vel fyrir og eiga þau vonandi eftir að skila
góðum árangri í framtíðinni.
Á árinu sóttu starfsmenn FFB fjórar alþjóðlegar ferðakaupstefnur, þ.e.
ITB í Berlín, TUR 88 í Gautaborg, Vestnorden Travel Mart í Færeyjum og
World Travel Market í London. Söluskrifstofur Flugleiða í Frankfurt, París
og Luxemborg og skrifstofa ferðamálaráðs í Frankfurt voru einnig heim-
sóttar.
Áhersla var lögð á kynningarstarfsemi innanlands. í því sambandi var
íslenski bæklingur samtakanna mjög mikilvægur. Honum var dreift víða í
Reykjavík og um allt land. Á Rútudegi BSI í júníbyrjun var FFB með
kynningarbás og var Veiðiflakkarinn fyrst kynntur þar.
FFB fékk þó nokkra umfjöllun í fjölmiðlum og sérstaklega þóttu
flakkararnir vekja athygli. Skjáauglýsingar og blaðaauglýsingar voru notað-
ar nokkuð.
Reynt var að snúa sér beint til ákveðinna hópa svo sem veiðimanna, skóla
og félagasamtaka. Þetta var gert með bréfaskriftum og fundarheimsóknum,
en árangurinn var mismikill.
Á sviði einstaklingsleiðbeininga voru unnir arðsemisútreikningar fyrir
bændur. Námskeið fyrir félagsmenn voru undirbúin og auglýst. Áætlað var
að halda námskeið á 3 stöðum. Mjög lítil þátttaka var tilkynnt svo ekki var
grundvöllur fyrir námskeiðahaldi þetta árið. Undirrituð fór einn dag að
Hvanneyri í sambandi við kennslu ferðaþjónustu í skólanum.
Starfsmenn skrifstofunnar ferðuðust nokkuð um landið.
Félagsmenn FFB á Norðurlandi vestra héldu vorfund í Varmahlíð í
Skagafirði. Undirrituð sat þennan fund og skoðaði bæi á svæðinu.
í tveimur dagsferðum var farið um V-Skaftafellssýslu, Rangárvalúsýslu
og Árnessýslu. Á þessu svæði voru skoðaðir 11 bæir. Fjögurra daga ferð var
farin um austurhluta landsins, eða frá Hofi í Öræfum til Vopnafjarðar. 18
bæir voru skoðaðir. Ein dagsferð var farin í Borgarfjörð á fund Verðlags-
nefndar FFB, sem haidinn var í Húsafelli.
Núna hafa starfsmenn skrifstofunnar skoðað allflesta bæi á suðurleiðinni
frá Reykjavík til Vopnafjarðar og á norðurleiðinni frá Reykjavík í Skaga-
fjörð. Öruggt má telja að þessar ferðir séu nauðsynlegar og gagnlegar, bæði
90