Búnaðarrit - 01.01.1989, Side 99

ur við undanfarin ár er enn erfiður vegna þeirra breytinga, sem urðu á
uppgjöri afurðaverðs með búvörulögunum 1985. Lokagreiðslur vegna
mjólkurframleiðslu verðlagsársins 1984-85 voru greiddar fyrri hluta árs
1986, og námu liðlega 21% af fjölskyldutekjum kúabúa það ár.
Sú fækkun, sem orðið hefur síðustu ár á reikningum, sem koma til
uppgjörs hjá Búreikningastofunni, veldur því óhjákvæmilega, að niðurstöð-
ur eru ekki eins marktækar og æskilegt væri. Einnig vantar reikninga frá
búum með annan rekstur en nautgripa- og sauðfjárrækt, en þeir eru nú af
mjög skornum skammti. Því er nauðsynlegt að sem fyrst verði unnt að taka
reikninga úr bændabókhaldi með í heildaruppgjör. En til þess að svo megi
verða þarf að breyta nokkuð vinnubrögðum hjá þeim aðilum, sem nú sjá um
bændabókhaldið.
Samanburðarskýrsla yfir framlegð á árskú og vetrarfóðraða kind var gerð
á sama hátt og áður, og voru búin flokkuð í fjóra flokka eftir fjölda árskúa
og fimm flokka eftir fjölda vetrarfóðraðra kinda.
Uppgjör og önnur tölvuvinnsla fór fram í tölvu bændasamtakanna, og
gagnaskráning í skráningardeild Búnaðarfélags Islands, og færi ég tölvurit-
urum þakkir fyrir vel unnin störf.
Annað.
í ársbyrjun 1988 var skipaður starfshópur samkvæmt beiðni stjórnar
Búnaðarfélags íslands frá 18. des. 1987 og skyldi hann fjalla um þróun
bændabókhalds, búreikningastofu og hagstofnunar. I starfshópnum voru
Gísli Sverrisson og Jóhann Ólafsson frá Búnaóarfélagi íslands, Gísli
Karlsson frá Framleiðsluráði landbúnaðarins og Gunnlaugur Júlíusson frá
Stéttarsambandi bænda. Starfshópurinn hélt nokkra fundi og skilaði grein-
argerð um verkefnið til stjórnar Búnaðarfélags íslands 10. ágúst.
Dagana 16.-17. september sótti ég stjórnarfund hagfræðiskorar NJF í
Helsinki og 29.-30. október sat ég fulltrúaráðsfund samtakanna, sem
haldinn var að Flúðum. Kostnaður vegna beggja fundanna var greiddur af
NJF.
í lok október var ég kjörinn í stjórn Félags íslenskra náttúrufræðinga.
Öllu samstarfsfólki hjá Búnaðarfélagi íslands þakka ég samvinnuna á
liðnu ári.
Jóhann Ólafsson
7
97