Búnaðarrit - 01.01.1989, Page 104

Markaskrár.
Á árinu var Iokið við að koma öllum markaskránum í tölvu bændasamtak-
anna, og voru þær þar undirbúnar fyrir prentun. Tókst að koma nokkrum
skránna í prentun fyrir göngur, og um áramót voru flestar komnar út.
Hrossarœkt.
Þá aðstoðaði ég Kristinn Hugason við tölvuvinnslu á gögnum úr hrossa-
ræktinni bæði til útgáfu og undirbúnings fyrir kvnbótaútreikninga. í
tengslum við þetta gekk ég einnig frá forriti, sem notað var við frágang og
úrvinnslu á gögnum á nokkrum sýningum.
Annað.
í mars leiðbeindi ég á tveggja daga tölvunámskeiði, sem haldið var á
Akureyri, þar sem mættu flestir ráðunautar af svæði Ræktunarfélags
Norðurlands. í desember gafst mér svo kostur á að kynna mér betur tækni
við talningu egglosa hjá ám, en írski lífeðlisfræðingurinn, J. P. Hanrahan,
var hér aftur á ferð til að leiðbeina og aðstoða.
Að lokum vil ég svo þakka starfsfólki Búnaðarfélagsins og Búnaðarsam-
bandanna fyrir ánægjulegt samstarf á árinu, og þá sérstaklega Guðlaugu
Eyþórsdóttur, sem borið hefur hitann og þungann af vinnslu loðdýra-
skýrsluhaldsins og markaskránna.
í janúar 1989,
Halldór Árnason
102