Búnaðarrit - 01.01.1989, Side 105

Veiðistjóri
I. Skýrsla Páls Hersteinssonar
Fjöldi veiddra minka hefur farið sívaxandi frá
árinu 1983 og náði hámarki árið 1987, en þá
veiddust 6062' dýr (sjá meðf. töflu). Fleiri
minkar höfðu aldrei veiðst áður á íslandi.
Ýmislegt bendir til þess að færri minkar hafi
veiðst árið 1988. Sennilega skiptir veðurfar
að vetrar- og vorlagi miklu máli fyrir afkomu
minkastofnsins.
Fjöldi veiddra refa var einnig meiri árið
1987 en í mörg ár þar áður. Reyndar verður
að fara allt aftur til ársins 1962 til þess að
finna dæmi um fleiri veidda refi á einu ári.
Undanfarin ár hefur fyrst og fremst orðið
vart við fjölgun refa á vestanverðu landinu, en árið 1988 bárust fréttir af
fjölgun refa víðar að en áður. Þó eru engar tölur handbærar enn um
refaveiðina árið 1988.
Veiðar á svartbaki og hrafni voru stundaðar með hefðbundnum hætti á
árinu. Engar tölur eru þó til um breytingar á stofnstærð þessara fugla frá ári
til árs.
Enn verður vart aliminka og blárefa í náttúrunni. Þá veiddist haustið 1988
fyrsti silfurrefurinn í rúmlega 40 ár, sem sýnir að sú hætta er yfirvofandi að
silfurrefir nái að mynda villtan stofn í landinu.
Leiðbeiningar og fyrirgreiðsla ýmiss konar við veiðimenn og bændur
voru að vanda mikilvægir þættir í starfi mínu á árinu, sem og skipulagning
veiðiaðgerða í samvinnu við sveitarstjórnir. Þessi starfsemi fór fram
bréflega og um síma, en einnig í ferðum mínum um landið.
Eins og áður fylgdist ég með framkvæmd sæðinganámskeiðs Sambands
íslenskra loðdýraræktenda á Hólum í Hjaltadal í febrúar fyrir hönd
Búnaðarfélags íslands og flutti þar fyrirlestra um litaerfðir refa og uppruna
búrrefa. Þá flutti ég einnig fyrirlestra á ráðunautanámskeiði í loðdýrarækt á
Hvanneyri í sama mánuði og á ráðstefnu Dýralæknafélags íslands um
loðdýrasjúkdóma í mars. í nóvember sat ég aðalfund Æðarræktarfélags
íslands.
í ágúst hélt ég fyrirlestur um rannsóknir á íslandi í hagnýtri dýrafræði við
„Northern Prairie Wildlife Research Center" í N.-Dakota í Bandaríkjunum
og sótti ráðstefnu á sama stað um notagildi rafmagnsgirðinga o. fl. til þess
Páll Hersteinsson
103