Búnaðarrit - 01.01.1989, Page 114

Starfsskýrsla landgrœðslustjóra
Þegar litið er yfir farinn veg landgræðslu og
gróðurverndar á árinu 1988 koma þurrkarnir
og moldviðrin fyrst upp í hugann. Síðustu
þrjú árin hafa verið óvenju þurrviðrasöm,
sérstaklega á Norðausturiandi. Þurrkakaflar
hafa vissulega komið hér á Suðurlandi með
tilheyrandi og því miður óhjákvæmilegu
moldroki og sandfoki. Samt sem áður var
þetta ár heldur hlýtt og mjög góð gróðratíð
var um land allt seinni hluta sumarsins. A
síðast liðnu sumri voru þrír til fjórir stakir
hvassviðrisdagar og var þá næsta lítið skyggni
á Suður- og Norðurlandi vegna moldroks og
var þetta þörf áminning til okkar allra um að þjóðin verði að taka stærri
skref í uppgræðslu- og gróðurverndaraðgerðum.
Ohætt mun að fullyrða að aldrei hafi landgræðsla og gróðurvernd fengið
jafnmikla almenna umfjöllun í fjölmiðlum landsins. Því miður hafa þessar
umræður ekki leitt enn sem komið er til neinna verulegra hækkana á
fjárframlögum af hálfu hins opinbera, en það var hins vegar verulegt
áhyggjuefni hvað fjölmiðlaumfjöllunin beindist oft inn á áróður gegn
bændum og búfé þeirra. Umbætur í gróðurvernd og beitarstjórnun munu
ekki nást með því að einblína á sökudólga eða sakfella einn þjóðfélagshóp.
Samstaða allra aðila er um þessi mál fjalla og viðurkenning á þeim
vandamálum, sem við er að etja, er eina farsæla leiðin að því takmarki
okkar allra að græða landið.
Ráðamenn þjóðarinnar hafa óspart vitnað til gróðurverndarhugsjóna í
ræðu og riti. í stjórnarsáttmálum fyrrverandi og núverandi ríkisstjórna eru
ákvæði og fyrirheit um aukna áherslu á landgræðslumál.
Á árinu gaf Landgræðslan út afmælisrit í tilefni af 80 ára afmæli
stofnunarinnar 23. nóvember 1987, Græðum ísland, Landgræðslan 80 ára.
Þar er að finna mikinn fróðleik um landgræðslu og gróðurvernd þó segja
megi að bókin sé ekki skrifuð sem kennslubók. Ennfremur var ákveðið á
s.l. vori að láta gera kvikmynd um landgræðslu og var unnið að því í sumar
af Myndbæ h/f. Tekið var mjög mikið af góðu myndefni og unnin upp úr því
28 mínútna kvikmynd, „Græðum ísland“, sem stefnt er að að sýna í
Ríkissjónvarpinu.
112