Búnaðarrit - 01.01.1989, Page 164

sauðfjárfækkun, sem af því leiðir, spararst árlega umtalsvert
fjármagn í útflutningsbótum, sem nú eru greiddar með þessari
offramleiðslu. Nú munu útflutningsbætur á sauðfé nema um 1,1
milljón á hvert ársverk.
Þetta fjármagn mætti nota til skógræktar, sem væri þá gull í lófa
framtíðarinnar.
F.h. stjórnar skógarbænda á Héraði,
Guttormur V. Þormar"
(sign.)
Mál nr. 12
Erindi Búnaðarsambands Austurlands um afstöðu tilþjónustu búnaðarsam-
banda við framleiðendur, sem eru utan búnaðarfélaga.
Málið afgreitt með eftirfarandi ályktun, sem samþykkt var með 23 sam-
hljóða atkvæðum:
Búnaðarþing telur eðlilegt og réttmætt, að búnaðarsamböndin taki gjald
fyrir þá þjónustu, sem þau inna af hendi fyrir bændur, sem standa utan
búnaðarfélaga.
GREINARGERÐ:
Nokkuð er um, að bændur séu ekki félagsbundnir í búnaðarfélagi. Deilt
er um, hvort þeim ber til þess lagaleg skylda.
Samt sem áður sækja þeir ýmsa þjónustu til búnaðarsambandanna,
jafnvel í þeirri trú, að þeir eigi þar sama rétt og búnaðarfélagar, sem greiða
félagsgjöld.
Hins vegar lítur þingið svo á, að gjaldtaka fyrir slík störf sé fyllilega
heimil.
Mál nr. 13, 15, 21, 26 og 27
Erindi Búnaðarsambands Austurlands um vanefndir ríkissjóðs á lögbundn-
um greiðslum samkvœmt jarðrœktar- og búfjárrœktarlögum, erindi Búnað-
arsambands Borgarfjarðar um styrki til búfjárræktar, erindi formannafund-
ar búnaðarsambanda um vanefndir ríkisins á greiðslum lögbundinna fram-
laga, erindi Búnaðarsambands Austur-Húnavatnssýslu um vanskil ríkis-
sjóðs á lögbundnum greiðslum samkvœmt jarðrœktar- og búfjárrœktarlög-
um og erindi Búnaðarsambands Austur-Húnavatnssýslu um verðbœtur
vegna ógreiddra jarðræktarframlaga.
Málið afgreitt með eftirfarandi áiyktun, sem samþykkt var með 23 sam-
hljóða atkvæðum:
162