Búnaðarrit - 01.01.1989, Page 178
land sitt frá skyldum, sem á því hvíla samkvœmt samningn-
um, svo og skyldu jarðeiganda eða ábúanda til að endur-
greiða .. o.s.frv. óbreytt.
22. gr. 3. mgr. Málsgrein „Nú vill .. innt hafa verið af hendi“ falli niður.
Taka þarf fram í samningum, hvernig meðhöndla skuli mál,
þegar landeigandi vill losna frá kvöðum, sem samningur
leggur á. Þess vegna eru ákvæði málsgreinarinnar færð til 20.
greinar.
23. gr. 2. mgr.I stað „Neyti Skógrækt ríkisins forkaupsréttar .. þá sem
söluverð" komi: Um forkaupsrétt Skógrœktar ríkisins fer
eftir ákvœðum jarðalaga nr. 65/1976.
24. gr. 2.mgr. í stað „Skal nefndin skipuð .. skal vera formaður nefndar-
innar“ komi: skal nefndin skipuð fulltrúum Skógrœktar
ríkisins, viðkomandi búnaðarsambands og skógrœktarfé-
lags. Nefndin kýs sér formann.
Heimilt er að fela sérstakri verkefnisstjórn framkvæmd hér-
aðsskógrœktaráætlunar eða afmörkuð verkefni innan henn-
ar.
Breytingar þessar hafa verið felldar inn í frumvarpið, og fylgir það hér
með.
Frumvarp til laga um skógvernd og skógrœkt.
I. KAFLI
Tilgangur laganna, orðaskýringar ogyfirstjórn.
1. gr.
Tilgangur laga þessara er að stuðla að því:
1. að skóglendi verði verndað, aukið og bætt;
2. að nýir skógar verði ræktaðir, þar sem henta þykir;
3. að frætt verði og leiðbeint um meðferð og ræktun skóga, skjólbelta og
annars trjágróðurs.
2. gr.
Merking orða í lögum þessum er sem hér segir:
Skóglendi er land, sem að mestu eða öllu leyti er vaxið trjágróðri,
náttúrulegum eða ræktuðum, skógi eða kjarri.
Skógarjörð er jörð eða jarðarhluti, þar sem skógur er ræktaður á stærra
landi en 25 ha.
Nytjaskógur er skógur af tiltekinni stærð, sem ræktaður er til búdrýginda
og framleiðslu skógarafurða.
176