Búnaðarrit - 01.01.1989, Qupperneq 193

Forseti þingsins, Fljörtur E. Þórarinsson, ávarpaði fulltrúa og gesti og
mælti síðan á þessa leið:
„Nú er komið að þingslitum. Þetta Búnaðarþing er örugglega það stytzta
af reglulegum þingum, sem haldið hefur verið. Það hófst mánudaginn 27.
febrúar og hefur því staðið í 10 daga, en það voru allt ósviknir vinnudagar,
líka sunnudagurinn. Með þessari hörku við sjálft sig vill Búnaðarþing leggja
sitt af mörkum í almennri sparnaðarviðleitni Búnaðarfélags íslands. Þess
skal getið, að þingmál, sem komu nógu snemma, voru póstsend fulltrúum
jafnóðum, svo að þeir kæmu til þings betur undirbúnir en ella.
Þingfundir urðu 13 talsins. Þingmál urðu alls 43, sum smá, önnur mjög
veigamikil. Þau urðu öll nema tvö afgreidd með ályktunum, en sum voru
kippuð saman í tvö eða fleiri, allt upp í fimm, sem fjölluðu um sama eða
náskylt efni, þannig að þingsályktanirnar urðu 32 að tölu.
Störf þessa Búnaðarþings hafa mótazt mjög af því, að stjórnvöld fjalla nú
um nokkra meiri háttar lagabálka, sem snerta landbúnaðinn beint eða jaðra
við hann. Ég nefni jarðræktarlög, búfjárræktarlög, umhverfismálalöggjöf
ogskógræktarlög. Og það eref til vill tákn tímannaog vitnar um vaxandi trú
á skógrækt, að þingið ályktaði um tvö erindi, sem lúta að skógrækt auk
frumvarps til skógræktarlaga, sem liggur fyrir Alþingi. Ennfremur hefur
þetta þing fjallað ítarlega um málefni, sem snerta beint starfsemi Búnaðar-
félags íslands, svo sem búreikninga- og bókhaldsmál og um skipulag
leiðbeiningaþjónustu í Iandbúnaði.
Þingið hefur síðan kosið tvær milliþinganefndir til að vinna að þessum
málum, þ.e. um búfjárræktarlöggjöfina og um Ieiðbeiningaþjónustuna. Þá
má ennfremur segja, að störf þingsins hafi nokkuð markazt af hinni knöppu
fjárhagsaðstöðu, sem Búnaðarfélag íslands og búnaðarsamböndin búa við
um þessar mundir, og þeirri óvissu, sem af ótryggri fjárhagsstöðu hlýtur að
leiða. Má vera, að þessa Búnaðarþings verði helzt minnzt vegna ályktana
þess um leiðbeiningamálin, þ.e. um eflingu leiðbeiningamiðstöðva í lands-
fjórðungunum og áherzlu þess á stóraukið bændabókhald tengt þeim
stöðvum, og um Hagstofnun landbúnaðarins, sem stofnsett yrði á Hvann-
eyri. En rétt er að spá sem minnst um það, hvað tíminn dæmir merkast af
viðfangsefnum dagsins, og sum mál eru svo lengi í deiglunni, að þau eru í
umfjöllun árum og áratugum saman, áður en úrslit þeirra ráðast.
En nú, þegar komið er að þingslitum, vil ég þakka þingfulltrúum öllum og
starfsmönnum þingsins ágætlega unnin störf um þingtímann. Ég þakka
sérstaklega skrifstofustjóra, Ólafi E. Stefánssyni, og bókara þingsins,
Júlíusi J. Daníelssyni, fyrir dugnað þeirra og frábæra reglusemi.
Ég þakka skrifurum og meðforsetum mínum, en síðast, en ekki sízt,
skrifstofustúlkunum, sem hafa lagt nótt við dag, svo að þingið mætti ganga
eins og vel smurð vél, en þær eru Ásdís Kristinsdóttir, Hafdís Benedikts-
dóttir, Rósa Halldórsdóttir og Sigríður Þorkelsdóttir.
191