Búnaðarrit - 01.01.1989, Qupperneq 222

Fylgiskjal
Áætlaður kostnaður ríkissjóðs við framkvæmd
á frumvarpi til laga um búfjárrækt.
A. Vegna 8. gr.
1. Kostnaður vegna landsráðunauta í búfjárrœkt.
Samkvæmt reikningum Búnaðarfélags íslands fyrir árið 1988 var kostn-
aður við störf landsráðunauta í búfjárrækt sem hér segir það ár.
Búfjárgrein Laun kr. Ferðakostn. kr. Annað kr. Samtals kr.
Nautgriparækt 2.406.998 271.593 18.848 2.697.439
Sauðfjárrækt 777.667 380.904 30.037 1.188.608
Hrossarækt 2.547.394 941.434 289.184 3.778.012
Alifugla- og svínarækt 771.439 134.439 60.000 965.878
Fiskeldi 1.280.900 263.613 183.239 1.727.752
Loðdýrarækt 901.609 339.796 1.465 1.242.870
Fóðurfræði 1.437.090 410.805 41.428 1.889.323
Kanínurækt 387.046 132.168 0 519.214
Landnýtingogsauðfjárrækt. . . . 1.335.269 188.431 18.894 1.542.594
Samtals 11.845.412 3.063.183 643.095 15.551.690
Til frekari skýringar á þessum kostnaðarliðum skal tekið fram, að starf
ráðunautar í fóðurfræði tengist fyrst og fremst loðdýraræktinni og starf
landnýtingarráðunauts er að hálfu í sauðfjárrækt.
Kostnaður við störf iandsráðunauta hefur verið greiddur af fjárveitingum
til Búnaðarfélags íslands. Gera má ráð fyrir svipuðu umfangi í þessum
störfum og verið hefur, þannig að kostnaðarlega séð er þessi liöur í reynd
óbreyttur frá því sem verið hefur.
2. Kostnaður vegna launahluta héraðsráðunauta.
Launahluti ríkissjóðs vegna launa héraðsráðunauta á árinu 1988 nam kr.
24.806 þús. Þetta er greiðsla vegna allra starfandi héraðsráðunauta. Ætla
má að helmingur þessara upphæðar, eða a.m.k. 12,5 millj. króna, sé vegna
launahluta héraðsráðunauta í búfjárrækt. Þó gæti þetta hlutfall verið
eitthvað hærra vegna mikilla leiðbeininga í sumum héruðum á sviði
loðdýraræktar hin síðari ár.
Á fjárlögum hefur þessi kostnaðarliður í heild verið tengdur jarðræktar-
lögum og greiddur af því fjármagni sem veittur hefur verið samkv. þeim.
Gera má ráð fyrir svipaðri stöðu hvað þennan gjaldalið áhrærir á
komandi árum, þannig að þessi liður er í reynd óbreyttur frá því sem kveðið
er á um í lögum nr. 31/1973.
220