Búnaðarrit - 01.01.1990, Page 54

Hesti í Borgarfirði. Þangað kom ég aftur í nóvember vegna kynningar á
haustrúningi og bættri meðferð ullar á vegum Ullarhópsins, og á sama tíma
var ég einnig við sams konar kynningu að Hrafnkelsstöðum í Hrunamanna-
hreppi. Seint greri eftir snjóþungan vetur og kalt vor, en sumarið var
áfallaiaust og haustið afbragðsgott þannig að spretta í úthaga reyndist í
meðallagi, grös sölnuðu seint og vænleiki dilka var yfir meðallagi. Víða var
fé úti fram á jóiaföstu enda árferði óvenju gott. Astand beitilanda við
afréttagirðingar hefur stórbatnað víðast hvar á liðnum áratug, enda hefur
fénu fækkað mikið og nú eru hross aðeins rekin í fáeina afrétti. Helst er um
ofbeit að ræða í sumum hrossagirðingunum, bæði við þéttbýlisstaði og í
hrossmörgum sveitum, og mikill ágangur er á áningarstöðum við fjölfarnar
reiðieiðir um hálendið. Enn fer hrossum fjölgandi, þau eru um það bil
tvöfalt fleiri en fyrir 20 árum, og eftir því sem næst verður komist er
hrossastofninn orðinn stærri en hann hefur nokkurn tímann orðið, eða um
72.000 ásett hross. Sitthvað þarf að færa til betri vegar varðandi hrossabeit-
ina. Hestamenn og hrossabændur leita til mín í vaxandi mæli og veiti ég
þeim leiðbeiningar eftir föngum, m.a. með hliðsjón af niðurstöðum beitar-
rannsókna hér á landi og erlendis.
Fundir og ráðstefnur. Mikið var um fundasetur auk framan greindra
nefndarstarfa, m.a. vegna ýmissa fræðslu- og umræðufunda í tengslum við
landnýtingu, umhverfismál og sauðfjárrækt. Að venju sat ég Ráðunauta-
fund Búnaðarfélags Islands og Rannsóknastofnunar landbúnaðarins og
flutti þar erindi á fundi um beitarrannsóknir. Þá fylgdist ég með umræðum á
Búnaðarþingi eftir föngum og mætti á nokkrum nefndarfundum þess til
skrafs og ráðagerða um ýmis mál. Þeirra á meðal voru erindi um mat á
beitarþoli (mál nr. 29 og 31). í samræmi við ályktun um það efni hef ég átt
viðræður við búnaðarmálastjóra, landgræðslustjóra og forstjóra Rann-
sóknastofnunar landbúnaðarins um endurskoðun á viðhorfum og aðferða-
fræði vegna beitarþolsmatsins. Meðal þess, sem ég hef rætt við búnaðar-
málastjóra og stjórn Búnaðarfélags Islands, er takmörkun á lausagöngu
búfjár, skipan umhverfismála og stefnumörkun í landnýtingu og sauðfjár-
rækt. Einnig átti ég gagnlegar viðræður við fulltrúa úr stjórn Stéttarsam-
bands bænda og úr stjórn Landssamtaka sauðfjárbænda um landnýtingu og
sauðfjárrækt. Snemma árs sat ég fund í Borgarnesi með Gróðurverndar-
nefnd Mýrasýslu, mætti á fundi hjá Náttúruverndarráði vegna útkomu
bæklingsins „Landbúnaður í sátt við náttúruna", flutti hádegiserindi um
gróðurvernd og beitarmál hjá Lionsklúbbnum Ægi í Reykjavík og skömmu
síðar var ég frummælandi um sama efni ásamt Sveini Runólfssyni, land-
græðslustjóra, á fundi hjá ungum Sjálfstæðismönnum í Valhöll. I lok júní
var ég á 100 ára afmælishátíð Bændaskólans að Hvanneyri, var frummæl-
andi á bændafundi um beitar- og gróðurverndarmál í Heiðarskóla í Leirár-
og Melahreppi skömmu fyrir réttir, í október sat ég fund í Mosfellsbæ, sem
52