Búnaðarrit - 01.01.1990, Síða 75
kjötrannsóknir ti! að finna þá gelti og gyltur, sent eru með þennan
erfðagalla í arfhreinu eða arfblendnu ástandi. Einungis þeir svínabændur,
sem merkja grísi sína og eru með nákvæmt skýrsluhald, geta gert sér vonir
um að losna við þennan kjötgalla.
Ekki voru geröar sýrustigsmælingar á þeim 6200 grísum, sem fitumældir
voru á svínabúinu að Hamri á árunum 1980-1983, þar sem íslenski
svínastofninn var talinn laus við þennan kjötgalla á þeim tíma. Einkenni
vatnsvöðva eru það áberandi að ólíklegt er að ekki hefði verið tekið eftir
þessum kjötgalla við fitumælingu á 6200 grísum. Einnig er rétt að benda á,
að á þessum tíma var aldrei minnst á þennan kjötgalla, en nú á síðari árum
er sífellt algengara að kjötkaupmenn og kjötiðnaðarmenn kvarti undan
vatnsvöðva í svínakjöti.
5) Auk þeirra mælinga, sem getið er hér að framan, voru framkvæmdar
10 mælingar í sláturhúsum og mældir voru alls 413 grísaskrokkar frá 5
svínabúum með skýrsluhald. Sýrustig svínakjötsins var mælt tvisvar, fyrst
þegar liðin var ein klukkustund frá slátrun og síðan aftur þegar liðnar voru
24 klukkustundir frá slátrun. Eftirfarandi atriði voru athuguð og skrásett: I)
númer gríss, 2) númer föður og móður, 3) fæðingardagur gríss, 4) slátrun,
dagsetning, 5) fjöldi lifandi grísa í goti við fæðingu, 6) fjöldi grísa undan
gyltu við fráfærur, 7) fæðingarþungi grísa, 8) þyngd grísa við slátrun, 9)
fallþungi grísa, 10) kjötprósenta, 11) aldur grísa við slátrun, 12) sýrustig
(Ph) í læri og hrygg 1 klst. eftir slátrun, 13) sýrustig í læri og hrygg 24 klst.
eftir slátrun, 14) þykkt fitu yfir bóg, á miðjum hrygg, á lend og í síðu, 13)
skrokklengd, 16) vaxtarhraði grísa frá fæðingu til slátrunar.
73