Búnaðarrit - 01.01.1990, Qupperneq 173

c) Með skattalögum nr. 40/1978 varð sú breyting nriðað við fyrri lög að öll
félög, sjóðir og stofnanir voru gerð framtalsskyld þrátt fyrir að þau væru
undanþegin skattskyldu en engu var breytt varðandi skattskyldu. Því er
hér vitnað til 6. gr. reglugerðar nr. 245 frá 1963, sem heldur gildi sínu í
þessu efni.
Tekin voru af öll tvímæli um það hvort Búnaðarfélagi íslands bæri að greiða
skatta með br. á lögum nr. 40 frá 1978, sem gerð var 1981 (lög nr. 25 1981).
II.
Álagning á Búnaðarsamband Suðurlands.
Þó að starfsemi hreppabúnaðarfélaga, búnaðarsambanda og Búnaðarfé-
lags íslands hafi verið með svipuðum hætti alla þessa öld hefur þessum
félagsskap ekki verið gert að greiða skatta. (B.í. rak áður tilraunastöðvar
og Bsb. Suðurlands hefur lengi rekið tilraunabú svo dænri séu nefnd).
Ekki voru gerðar lilraunir til að skattleggja þessa starfsemi fyrr en
skattstjórinn á Suðurlandi gerði á árinu 1979 Búnaðarsambandi Suöurlands
að greiða skatta vegna starfsársins 1978. Búnaðarsambandið hafði ekki
sinnt framtalsskyldu og voru gjöldin því áætluð. Það sama gerðist fyrir
gjaldaárið 1980, og næstu ár.
Þetta var kært fyrst til skattstjóra, ogsíðan lil ríkisskattanefndar. Úrskurður
ríkisskattanefndar var sá að Bsb. Suðurlands væri skattskylt samkvæmt
lögum þar sem þaö hefði stundað atvinnurekstur og ekkert ákvæði væri í
lögum um að það væri undanþegið skattskyldu.
Skattstjórinn fór fram á fógetaúrskurö um að heimilað yrði lögtak hjá Bsb.
Suðurlands vegna ógreiddra gjalda árin 1979-1983. Úrskurður í fógetarétti
Árnessýslu varfelldur í febrúar 1987 og var hann innheimtumanni ríkis ívil.
Málið fór fyrir Hæstarétt og féll dómur hans á sömu leið. (Sjá afrit af
úrskurði og dómsniðurstöðu).
Ekki hafa veriö gerðar tilraunir til að skattleggja önnur búnaðarsambönd
þó að þau sum hver hafi með höndum svipaðan rekstur og Bsb. Suðurlands
(sjá síðar). Hins vegar var lagður eignaskattur á Bsb. Borgarfjarðar vegna
ársins 1985. Það hefur engan sjálfstæðan rekstur annan en rekstur á
flekamótum í samræmi við ákvæði laga um jarðræktar- og húsagerðarsam-
þykktir í sveitum nr. 7/1945.
171