Búnaðarrit - 01.01.1990, Síða 177

Starfsfé búnaðarsambandanna er einkum fengið með eftirfarandi hætti:
1. Úr ríkissjóði, framlög sem nemur 65% af launum héraðsráðunauta og
allt að 65% af ferðakostnaði.
2. Gjald af framleiðsluvörum bænda (Búnaðarmálasjóðsgjald) 0,25% af
heildsöluverði búvara sem skiptist á milli bsb. í hlutfalli við framleiðslu
hvers svæðis.
3. Félagsgjöld, sem innheimt eru aföllum bændum ígegnum hreppabúnað-
arfélögin.
4. Nokkur hluti jarðræktarframlaga (4%) og framlög samkvæmt búfjár-
ræktarlögum.
Hlutfall á milli þessara tekjustofna er allmismunandi hjá búnaðarsambönd-
unum og fer eftir umfangi starfseminnar í hlutfalli við fjölda bænda,
framleiðslu og framkvæmdum á starfssvæðinu.
Eignir og starfsemi.
Ekkert búnaðarsambandanna á eignir eða stundar atvinnurekstur sem ekki
eru í beinum tengslum við leiðbeiningastarfsemi þeirra og þau markmið sem
þau stefna að; „að efla hvers konar framfarir í landbúnaði".
Hér skal gefið yfirlit yfir helstu eignir og starfrækslu búnaðarsambandanna.
I. Búnaðarsamband Suðurlands.
Sambandið á jörðina Stóra-Ármót í Hraungerðishreppi. Far rekur þaö
tilraunastöð í samræmi við ákvæði í sérstökunt lögum í samvinnu við
Rannsóknarstofnun landbúnaðarins. Búnaðarsambandið byggði þar
tilraunafjós með nokkru framlagi úr ríkissjóði. Það ber ábyrgð á
búrekstrinum, en tilraunastjóri er launaður af Rala. Augljóst virðist að
fara ætti um þessa stöð eins og aðrar tilraunastöðvar í landinu í
skattalegu tilliti.
Aður rak Bsb. Suðurlands tilraunabú að Laugardælum í Hraungerðis-
hreppi og leigði til þess jörðina af Kaupfélagi Árnesinga. Rala tók þá
svipaðan þátt í tilraunastarfseminni og nú á Stóra-Ármóti.
Sambandið á og rekur búfjárræktarstöð í Þorleifskoti við Laugardæli.
Frá henni eru starfræktar nautgripa- og sauðfjársæðingar um allt
Suöurland. Sæðingastarfsemin er rekin í samræmi við ákvæði í búfjár-
ræktarlögum og nýtur stuðnings samkvæmt þeint.
Þá á sambandið húsnæði fyrir starfsemi sína að Reynivöllum 10 á
Selfossi.
175