Búnaðarrit - 01.01.1990, Page 190
Því leggur þingið áherzlu á, að gert verði skipulegt átak til kynningar og
fræðslu um land allt varðandi þetta mál.
Þingið beinir því til búnaðarsambandanna að hlutast til um við héraðs-
nefndir einstakra héraða, að þær gangist fyrir fræðslu og kynningarfundum
um þessi mál og leyti í því sambandi til eftirtalinna aðila:
1. Hollustuverndar ríkisins,
2. embættis yfirdýralæknis,
3. embættis landlæknis,
4. embættis veiðistjóra.
Mál nr. 28
Erindi Jóseps Rósinkarssonar um stimplun kjöts við heilbrigðisskoðun.
Málið afgreitt með eftirfarandi ályktun, sem samþykkt var með 23 sam-
hljóða atkvæðum:
Búnaðarþing beinir því til yfirdýralæknis og yfirkjötmats ríkisins að
hlutast til um, að stimplun á kjöti verði framvegis hagað þannig, að fram
komi frá hvaða ári framleiðslan er og af hvaða gæðaflokki.
Mál nr. 29
Erindi Egils Jónssonar um vanda loðdýrabœnda.
Málið afgreitt með eftirfarandi ályktun, sem samþykkt var með 24 sant-
hljóða atkvæðum:
Búnaðarþing bendir á, að nú stendur yfir athugun á því að breyta
lausaskuldum loödýrabænda á grundvelli laga þar um.
Þessi athugun er nú að komast á lokastig.
Þingið leggur mikla áherzlu á, að þar sem erfiður fjárhagur hindrar
uppgjör lausaskulda, verði leitað allra leiða til lausnar þeim vanda m.a. með
tilstuðlan Jarðasjóðs.
Þingið bendir sérstaklega á, að málefni og staða fóðurstöðvanna liefur
ekki verið tekin til meðferðar á sama hátt og cinstaklinganna.
Því kann svo aö fara, að vandi fóðurstöðvanna komi í veg fyrir, að aðrar
úrlausnir komi að gagni.
Búnaðarþing skorar því á ríkisstjórn og Alþingi að hlutast nú þegar til unt
það, að vandi fóðurstöðvanna verði leystur á raunhæfan hátt.
Jafnframt skorar þingið á landbúnaðarráðherra, Búnaðartelag íslands og
Stéttarsamband bænda að fylgja þessu máli fast eftir.
188