Morgunn - 01.12.1953, Page 80

Nýstárlegar tilraunir
★
Nýlega hefur W. H. C. Ten Haeff verið skipaður prófes-
sor í sálarrannsóknum, parapsychologie, við háskólann í
Utrecht í Hollandi, en einkum undir leiðsögu hans hafa
verið gerðar nýstárlegar tilraunir með hollenzka miðilinn
Gerard Croiset. Þessar tilraunir hafa verið gerðar við
strang-vísindaleg skilyrði, og hafa miðað að því að fá
lýsingar af væntanlegum fundargestum á fundi, sem síðar
átti að halda. Fundur er ákveðinn vissan dag, en nokkuru
áður en halda skal fundinn er miðlinum fengin í hendur
grunnflatarmynd af fundarsalnum, þar sem sætin eru
merkt með tölustöfum. Bendir tilraunamaðurinn þá á eitt-
hvert sætið, spyr miðilinn, hver muni sitja þar á væntan-
legum fundi og hvað sé um þann fundargest unnt að vita,
og miðillinn leysir úr spurningunum, — eða miðillinn
bendir sjálfur á einhver sætin og segir óspurður frá, hver
muni sitja þar á væntanlegum fundi. Þarna er um að ræða
hvorttveggja, skyggni og vitneskju um hið óorðna.
Slíka tilraun hefur próf. Ten Haeff gert með fund, sem
150 manns sátu. Tveim tímum fyrr en fundinn skyldi halda
skrifaði prófessorinn í fundabókina lýsingar miðilsins af
nokkurum væntanlegum fundargestum og innsiglaði bók-
ina að því loknu. Fundarsalurinn var opnaður, fólkið
streymdi inn og settist. Prófessorinn kom inn í salinn,
braut upp innsiglið á bókinni, kallaði til sín fólkið, sem
sat í stólunum, sem miðillinn hafði áður sagt frá, og árang-
urinn var furðulegur.
Stundum hefur það komið fyrir, að miðillinn hefur
einskis getað orðið var í sambandi við vissa stóla, sem