Morgunn - 01.12.1953, Page 82

160
MORGUNN
Kvöldið eftir var fundurinn haldinn. Fólk streymdi inn
í fundarsalinn og settist. Allt reyndist vera eins og Croiset
sagði fyrir.
Á síðasta sumri var haldið þing í Utrecht fyrir áhuga-
menn frá ýmsum löndum um sálræn efni. Tilraun var þar
gerð í þessa áttina með Croiset. Sætin höfðu áður verið
tölusett, en enginn gat ráðið, hvar hann sat, því að við
inngöngudyrnar drógu menn um sætin. Áður hafði miðill-
inn lýst því fyrir próf. Ten Haeff, hverjir mundu sitja í
nokkurum sætanna. Menn urðu undrandi yfir árangrinum.
Þessum nýstárlegu tilraunum verður haldið áfram. —
Sennilega verður um þær rætt á alþjóðaþingi spíritista í
Amsterdam á komanda sumri og getur MORGUNN þá
væntanlega sagt nánara frá þeim.
Flestar tilraunir manna með sálrænt fólk hníga í þá
áttina að reyna að ná sambandi við framliðna. En margar
fleiri hliðar eru á miðilsgáfunni, sem engu síður er girni-
legt til fróðleiks um mannssálina að leggja stund á.
Jón Auðuns.