Morgunn - 01.06.1947, Síða 50

Eftirtektarverðir hlutir.
Guðrún Jónsdóttir að Hrísum í Eyjafirði var fædd 6.
ágúst 1862, en dáin 26. nóv. 1934. 1 maí árið 1937 pantaði
dóttir hennar, frk. Lilja Benjamínsdóttir, steinhellu hjá
legsteinasmið á Grettisgötunni, átti hún að vera fullbúin
í júlí, þá ætlaði hún með hana norður að Saurbæ í Eyjafirði,
og leggja hana á leiði móður sinnar. Hún gekk frá öllu
við legsteinasmiðinn um það, hvað ætti að standa á hell-
unni — en það var bæði fæðingar og dánardagur, auk
annars. En nóttina eftir að hún hafði gengið frá þessu
við smiðinn, dreymir hana móður sína, og vaknar kl. 6
um morguninn við það, að henni þykir móðir sin segja
við sig:
„Lilja mín, þú sagðir ekki rétt, þú sagðir 11. desember,
en það á að vera 26. nóvember."
Lilja var svo viss um að hafa sagt rétt til, bæði um
fæðingar- og dánardag, að hún gaf þessu lítinn gaum.
Þó kom draumurinn oft í huga hennar, og sagði hún
bróður sínum frá honum, en samtímis, að sér hefði aldri
hvarflað í huga 11. des. Hún væri viss um að hafa sagt
smiðnum rétt.
En þar kom að, er hún ætlaði eitt sinn niður í bæ, að
henni var einhvemveginn skipað að fara inn á Grettis-
götu. Og hún segir við legsteinasmiðinn, hvort það sé ekki
áreiðanlegt, að hún hafi sagt honum að móðir sín hefði
dáið 26. nóvember? Legsteinasmiðurinn, sem ekki var
þá byrjaður á hellunni, fór að athuga, hvað hann hefði
skrifað í bókina, sem hann átti að fara eftir. En viti
menn, þar stóð ekki skrifað 26. nóv., heldur 11. desember.
Hvernig sem á þeirri misritun hefir staðið. En legsteina-
smiðurinn sagði að þetta væri ekkert einsdæmi. Þeir
dánu vissu, hvað liði hér á jörðunni.
Guðrún Stefánsdóttir.
frá Fagraskógi.