Morgunn - 01.12.1962, Síða 8

94
MORGUNN
af bandinu. Slík aðferð er lofsverð. Aðrir eiga ekki að
endursegja það, sem þannig kemur fram hjá miðli. Hvað
kann þá að vera frá þeim cg hvað raunveruléga frá miðl-
inum? Um hitt getur ritstj. Morguns ekki verið bókar-
höf. sammála, að furðulegt sé, að „ómenntuð alþýðukona
skuli geta rætt jafnlengi og hiklaust um torskilin efni
og hér er raun á“. Trúlegt er, að allmörgum lesenda bók-
arinnar muni finnast, að hér sé tekið á torráðnu efni
einmitt eins og „ómenntuð alþýðukona“ gerir,, sem lengi
hefur haft áhuga fyrir því efni, sem fjallað er um. Flest
er það fremur barnalegt og léttvægt, sem til málanna
er lagt, annað er fráleitt, eins og t. d. þegar varað er
við líkbrennslu, og ekki í samræmi við það, sem hjá trú-
verðugum miðlum kemur fram,, t. d. hjá Bretum, en þar
er líkbrennsla mjög tíðkuð meðal spíritista. Spurning-
unni um líkbrennslu eða ekki líkbrennslu svaraði Einar
H. Kvaran eins viturlega og hans var von fyrir allmörg-
um árum. Rökin gegn líkbrennslu, sem komu fram á
„fræðslufundi“ þessum, er ótrúlegt að hugsandi spíritist-
ar taki alvarlega. Þau eru í engu meira samræmi við
spíritismann og engu skynsamlegri en kenningin um
upprisu holdsins og endurnýjað samfélag andans við fú-
in bein í gröfinni, sem énn er verið að basla við að
syngja 1 kirkjunum stundum. Merkasti kafli þessarar
bókar er sá, sem höf. leggur til frá sjálfum sér, „Dulræn
fyrirbæri og skýringar þeirra“, sem er ljóst og ágætlega
ritaður. Sama má segja um „Lokaorð“, sem vafalaust
munu lesin með athygli og eru hin prýðilegustu bókarlok.
Bóksalar segja að bók þessi seljist ágætlega og hið sama
segja þeir um nýkomna bók Jónasar
Þorbergssonar, sem hann ritar í til-
efni 25 ára miðilsstarfi Hafsteins
Bók Jónasar
Þorbergssonar
Bjömssonar og nefnir „Líf er að þessu loknu“. Meðal
þeirra bóka, sem út hafa komið um íslenzka miðla, hefir
þessi bók þá sérstöðu, að lítil áherzla er á það lögð, að
birta vottfestar sögur af fyrirbærunum sjálfum, en meg-