Morgunn - 01.12.1962, Page 29

MORGUNN
115
Spá móður minnar og orð draumvísunnar rættust. Við
mæðginin sáumst ekki síðar. Móðir mín lézt 8. febrúar
1929. Urðu þannig rúmlega sex ár mill; burtfarar henn-
ar og Þóru af þessum heimi.
Ég hygg að þessi draumvísa hafi ekki farið margra
á milli. Ég nam hana strax og efaðist ekki um rétt rök
hennar. Móðir mín var ekki hagmælt, þétt hún ynni ljóð-
um. Enginn, sem þekkti hana, mundi hafa ætlað henm
að fara með staðlausa stafi. Hinsvegar kann þessi vísa
að hafa verið til áður, og draumkonan aðeins notað hana
til þess að tjá sig. Væri mér kærkomin vitneskja um það,
ef einhver nyrðra ætti hana í fórum sínum.
Jón Skagan