Morgunn - 01.12.1962, Qupperneq 32

118
MOEGUNN
Árið 1819 var Kerner skipaður héraðslæknir í bænum
Weinsberg í Wiirtenberghéraði í Þýzkalandi, og þar
starfaði hann til æviloka. Hann þekkti og notaði „Mes-
mer-aðferðina“, sem þá var notuð, segulmögnunaraðferð,
til að lækna sjúka menn, einkum sálræna sjúklinga. Fyr-
ir slíka sjúklinga setti Kerner læknir á stofn lækninga-
stöð í Weinsberg, og meðal sjúklinganna, sem til hans
leituðu slíkrar lækningar, var frú Frederique Hauffe,
skyggna konan eða sjáandinn frá Prevorst.
Tvítug að aldri hafði hún gifzt ágætum manni. Þau
eignuðust börn og hjónabandið var hamingjusamt. En
hún hafði löngum verið heilsuvel og þegar hún var 25
ára gömul, var heilsu hennar svo illa komið, að hún lá
að mestu rúmföst. Þá var farið með hana til Kerners
læknis í Weinsberg.
Frú Hauffe var gædd ákaflega miklum miðilsgáfum.
í Weinsberg lá hún 1 leiguherbergi, eins og ýmsir aðrir
sjúklingar Kerners, og herbergi hennar var yfir kjall-
arahvelfingum í gamalli vínverzlun. I þessu herbergi,
undir daglegri umsjá Kemers, óx miðilsgáfa hennar
mjög. 1 3 ár dvaldist frú Hauffe í umsjá Kerners. Meira
en þrjú þúsund sinnum kom hann að sjúkrabeði hennar
og gaf nákvæmar gætur ástandi hennar. Athugunum sín-
um á því, sem hjá þessari merkilegu konu gerðist, lýsti
hann síðan skarplega og ýtarlega í bókinni um hana. I
41. árg. MORGUNS, bls. 145-152 er sagt frá þessum fyr-
irbrigðum og vísast hér til þess.
Frá Weinsberg fer Svanquist með lesandann til Leip-
zig og kynnir honum þar hinar merkilegu rannsóknir
próf. Zöllners á ameríska miðlinum Henry Slade. 1 boði
prófessorsins kom Slade til Leipzig árið 1877. Hann kom
frá Englandi, en þar hafði verið farið um hann hörðum
höndum rannsóknamanna, sem voru ekki vanda sínum
vaxnir. Rannsóknamennirnir brezku voru raunar sumir
sæmilega biblíufastir menn, en sannfærðir um, að tímar
kraftaverkanna væru liðnir. Samt gerðust ómótmælanleg