Morgunn - 01.06.1972, Blaðsíða 6

4
MORGUNN
sem meira er, þessi skyggni virðist til inn í fortíð, nútíð og
framtíð. Þá er einnig talað um það, að hugurinn geti haft
bein áhrif á umhverfi sitt, að til sé sérstök hugarorka. Nú er
það því ekki lengur aðalhlutverkið, að sanna tilveru þessara
fyrirhæra, heldur að uppgötva þau lögmál, sem þau fylgja,
finna orsakir þeirra, svipta dulunni af þeim, gera þau ódulræn.
Dulræn hafa þessi fyrirbæri verið nefnd, þar sem þau virðast
ekki útskýranleg með þekktum náttúrulögmálum, og ekki ein-
ungis það, heldur virðast þau oft og tíðum brjóta þau lögmál,
sem traustust þykja, eins og t. d. þyngdarlögmálið. Er ég var
í Þýzkalandi fyrir nokkrum árum, gerðist eitt fyrirbæri þess-
arar tegundar, sem rannsakað var af dularsálfræðideild háskól-
ans í Freiburg og vakti almenna athygli.
Árið 1967 gerðust óvenjulegir atburðir á lögfræðiskrifstofu
nokkurri í Rosenheim rétt við Muunchen. Hlutir hreyfðust til,
myndir sveifluðust á veggjum og lampar í loftum án þess að
sjáanlegt væri hvað því gæti valdið. Neonlampar í lofti voru
hvað eftir annað losaðir úr stæði sínu, perur sprungu án þess að
kveikt væri á þeim, rafmagnsöryggi voru sprengd án nokkurr-
ar ástæðu, f jórir símar, sem tengdir voru við sama skiptiborð,
hringdu oft samtímis án þess að lireyft væri við borðinu og
símtöl voru oft rofin á óskiljanlegan hátt.
Þegar símareikningurinn kom, var svo að sjá sem síminn
hefði verið notaður langtum meira en venja var og starfsliðið
vissi um og sömu sögu var að segja af rafmagninu.
Eigandi fyrirtækisins neitaði að borga reikningana og sendi
kvartanir til rafveitunnar og bæjarsímans. f fyrstu var talið,
að um Iruflun á rafkerfinu væri að ræða. Komið var fyrir inn-
sigluðum sjálfritandi mælum fyrir spennu og straum, öll sim-
töl skráð á sjálfvirkan máta og menn settir til að gæta tækj-
anna. —
Mælitækin sjálfritandi sýndu geysilega spennu og straum-
breytingar, sem oft voru samfara sjáanlegum hreyfingum
hluta í skrifstofunni. Tækið, sem skráði símtölin, sýndi að oft
var hringt 40 til 50 sinnum í röð í sama símanúmerið, oft 4 til
5 sinnum á sömu minútu. Reyndist sérstaklega oft hafa verið