Morgunn - 01.06.1972, Síða 23

DÁLEIÐSLA Á VINSTIII VEGUM
21
regluforingi lét rannsaka hverja einustu ábendingu og þar á
meðal eina, sem hljóðaði svo:
„Ég hef upplýsingar um Hardrup-málið. Raunverulegar
upplýsingar. Ég verð við Tivolibarinn klukkan 6 eftir liádegi.“
Christensen lögregluforingi kom tímanlega á stefnumóts-
staðinn við höfnina. Hann lagði bréfið á borðið, pantaði bolla af
kaffi, og virti fyrir sér barstelpurnar og vændiskonurnar, sem
buðu blíðu sína sjómönnum og hafnarverkamönnum.
Þegar gamla skipsklukkan á veggnum sló síðasta og sjötta
slagið, birtist haltur, miðaldra maður með gleraugu, dró fram
stólinn beint á móti Christensen og setlist. „Þakka yður fyrir
að koma,“ sagði hann. „Ég var hræddur um að þér hélduð að
bréfið mitt væri frá einhverjum geðgopa. Þér hafið Pelle Har-
drup í varðhaldi og munuð svipta hann frelsi sínu það sem eft-
ir er ævinnar, nema ég leysi frá skjóðunni. Sjáið þér til. Ég
þekki hinn raunverulega morðingja og ég óttast hann. Og hinn
raunverulegi morðingi er ekki maðurinn, sem þið haldið. Pelle
er bara sá, sem hleypli af.
Hinn raunverulegi morðingi er Björn Nielsen. Ég veit það.
Við þrír: Pelle, Björn og ég vorum í sama fangelsinu. Pelle lif-
ir undir dáleiðsluáhrifum. Hann er algjört peð í höndum Niel-
sens. Þetta á rætur sínar að rekja til stjórnmála — gamalla naz-
ista-stjórnmála.“
Christensen, sem var enginn viðvaningur í því að hlusta,
beið eftir að hinn þagnaði og sagði svo: „Það gleður mig að
kynnast yður og þakka yður fyrir að þér komuð. Má ég spyrja
yður um nafn?“
Maðurinn hristi höfuðið.
„Jæja. Þá skulum við byrja á síðustu fullyrðingu yðar.
Hvernig getur þessi nýframdi glæpur verið tengdur gamalli
pólitík? Hitler er dauður og það eru mjög fáir nazistar eftir í
Danmörku. Hvers vegna ætti Hardrup að myrða tvo menn og
ræna banka af pólitískum ástæðum?“
Ökunni maðurinn hikaði, eins og til þess að greiða úr hugar-
flækju sinni. „Fyrst verðið þér að skilja hvað gerðist, þegar við