Morgunn - 01.06.1972, Side 55

GERARD CROISET OG HUGSKYNJANIR HANS
53
fund eða samkomu á að halda á næstunni. Er Croiset annað-
hvort sagt númerið eða hann velur það sjálfur. Síðan lýsir
hann með undraverðri nákvæmni útliti og persónueinkennum
þess manns eða konu, sem sitja mun í þessu sæti á ákveðnum
degi, jafnvel áður en hlutaðeigandi hefur ákveðið nokkuð um
að sækja fundinn. Hér kemur dæmi um það, hvernig þessi próf
fara fram.
Hinn 6. janúar árið 1957, klukkan 2 eftir hádegi var Gerard
Croiset staddur í sálarrannsóknastofnuninni í Utrecht ásamt
prófessor Tenhaeff og aðstoðarstúlku hans, ungfrú Louwerens,
og tveim háskólaprófessorum öðrum í Utrecht, liffræðingnum
L. H. Bretschneider og eðlisfræðingntim J. A. Smit. Croiset
var afhent teikning vfir sætaskipun í liúsi frú C.V.T. í Haag,
konu sem enginn viðstaddra þekkti, en þar átti að halda fmid
eftir tuttugu og fimm daga. Ekki hafði enn verið ákveðið,
hvernig skipað yrði í sæti. Var Croiset beðinn að velja sér eittt-
hvert númer, og kaus hann númer 9.
„Getur þú sagt okkur nokkuð um þá manneskju, sem kemur
til að sitja i sæti 9?“ spurði prófessor Tenhaeff.
Croiset handlék uppdráttinn af sætaskipuninni augnablik og
fór svo að tala inn á segulbandið það sem hér er skráð:
1. Föstudaginn 1. febrúar 1957 mun sitja í sæti 9 að heimiii
fniarinnar i Haag glaðleg og dugleg miðaldra kona. Hún er
mjög elsk að bömum og umhyggjusöm um þau.
2. Ég sé, að á árunum 1928—30 á hún mörg spor í nánd við
Kurhaus og Strassburger Circus í Scheveningen.
3. Þegar hún var lítil stúlka, hlaut hún margvíslega reynslu
í héraði þar sem var mikil ostaframleiðsla. Ég sé sveitabýli í
björtu báli þar sem einhverjar skepnur brurmu til bana.
4. Ég sé líka þrjá drengi. Einn er ekki ólíkur mér að vexti.
Hann hefur nú starf einhvers staðar utanlands, ég held helzt í
brezkri nýlendu.
5. Hefur hún verið að horfa á kvikmynd af indverskum
prinsi? Ég sé einhvern frá Indlandi, sem klæddur er að hætti
þessa lands. Hann ber vefjarhött með dýrindis djásni.
6. Skyldi hún einhvem tíma á bamsaldri hafa misst vasa-