Morgunn - 01.12.1997, Page 92

Hugheimar
leiksvænlegra en nokkuð það, er oss gefst kostur á að
kynnast hér á jarðríki. En þar við bætist að hin nýja
skynjun veitir okkur ef til vill oft tækifæri til þess að
fræðast, ekki aðeins af tívum hugheima, heldur einnig af
sjálfum meisturunum. Þar á ofan veitist mönnum
óumræðileg hvíld og huggun við það að losna um stund
frá hita og þunga jarðlífsins og njóta hinnar miklu og
óumbreytanlegu sælu æðri heima. En það, sem er þó mest
um vert, er það, að hinum andlega þroskaða manni gefst
tækifæri til þess að hjálpa sambræðrum sínum í margfalt
ríkari mæli en nokkru sinni áður, og þegar á allt þetta er
litið, fá menn ef til vill gert sér nokkra hugmynd um hvað
lærisveinninn hefur unnið við það að öðlast rétt til þess að
komast með fullri meðvitund til arfleifðar sinnar í hinu
dýrðlega ríki hins himneska tilverustigs.
íbúar hugheima
Þegar við nú gerum tilraun til að lýsa íbúum hugheima,
verður, ef til vill, æskilegast að hafa áþekka flokkaskipt-
ingu á þeim og við höfðum á íbúum geðheima. Við
skiptum þeim niður í þrjá aðalflokka, það er að segja:
mannlegar verur, aðrar lifandi verur og gerviverur. Sér-
hver aðalflokkur greinist svo aftur í fleiri eða færri
tegundir, eins og íbúar geðheima. Þess ber þó að geta að
þær verur, sem eiga að einhverju leyti rót sína að rekja til
illra tilhneiginga eða tilfinninga, er hvergi að finna á hinu
himneska tilverustigi.
I. Mannlegar verar.
Því er eins farið um hinar mannlegu verur í hugheimum
og í geðheimum, að það fer best á því að skipta þeim í tvo
90 MORGUNN