Morgunblaðið - 22.02.2009, Blaðsíða 19

19
MORGUNBLAÐIÐ SUNNUDAGUR 22. FEBRÚAR 2009
eingöngu skemmtun heldra fólks.
Þrátt fyrir þrengingar hyggst
Metropolitan ekki slá af listrænum
kröfum næsta vetur en meðal stjórn-
enda sem koma munu fram í húsinu
verður Riccardo Muti, sem tók við
starfi aðalstjórnanda Sinfón-
íuhljómsveitar Chicago-borgar á síð-
asta ári.
Meðal annarra góðra gesta má
nefna hina rómuðu sópransöngkonu
Renée Fleming, sem syngja mun í
Armidu eftir Rossini, óperu sem
sárasjaldan er sett á svið. Fer Flem-
ing þar með hlutverk seiðkonu sem
hrífur karlmenn upp úr skónum.
Tenórsöngvarinn gamalreyndi,
Plácido Domingo, snýr líka aftur í
Simon Boccanegra eftir Verdi, og
Gelb fagnar komu hans sérstaklega.
„Meðan hann heldur áfram að syngja
af þessum krafti á hann erindi upp á
svið,“ segir hann en Domingo er orð-
inn 68 ára gamall. Meðal leikstjóra
sem heiðra munu Metropolitan með
nærveru sinni á komandi vetri eru
Richard Eyre og Bartlett Sher og
meðal leikmyndahönnuða verða
svissnesku arkitektarnir Jacques
Herzog og Pierre de Meuron sem
hönnuðu leikvanginn fyrir ólympíu-
leikana í Peking á síðasta ári.
„Ein af helstu áskorunum óp-
erunnar er í því fólgin að dagskráin
er ákveðin með löngum fyrirvara.
Síðan reynir á að laga hana að fjár-
hagsrammanum hverju sinni,“ segir
Gelb, hvergi banginn.
Listrænn stjórnandi Metropolitan
er sem fyrr James Levine.
Reuters
Reuters
Enn að Plácido Domingo hefur engu gleymt enda þótt hann sé orðinn 68 ára.
Grunnur hefur verið lagður að nýjum banka
– nú heitum við Íslandsbanki
Íslenskt samfélag stendur á krossgötum. Þær aðstæður sem heimili og fyrirtæki standa
frammi fyrir kalla á breyttar áherslur í bankastarfsemi. Sjaldan hefur verið mikilvægara
að styrkja stöðu fjölskyldna í landinu, efla atvinnulíf og stuðla að nýsköpun.
Íslandsbanki ætlar sér veigamikið hlutverk í þessum efnum.
Nýr banki verður ekki til á einni nóttu
Það er krafa viðskiptavina og starfsmanna að bankinn sýni ráðdeild og hagsýni við
nafnabreytinguna sem verður lágstemmd og mun eiga sér stað í nokkrum áföngum.
Nafnabreytingin er ekki endapunktur heldur mikilvægur áfangi í því stefnumótunar-
starfi sem unnið hefur verið á undanförnum mánuðum. Allir starfsmenn komu að
mótun nýrrar stefnu Íslandsbanka og með henni vonast starfsfólk eftir því að
endurheimta það traust sem glatast hefur.
Við hlustum
Við höfum kallað eftir ábendingum viðskiptavina í útibúum og á heimasíðu bankans
og hafa þær nýst okkur vel í mótun skýrrar stefnu. Við leggjum kapp á að hlusta eftir
skoðunum og ábendingum viðskiptavina svo Íslandsbanki geti orðið betri banki; banki
sem skilur þarfir viðskiptavina og kemur til móts við þær.
Saman byggjum við öflugan banka
Íslandsbanki er banki sem býður alhliða bankaþjónustu fyrir einstaklinga og
fyrirtæki með hagsmuni viðskiptavina og samfélagsins að leiðarljósi. Með öflugri
liðsheild og ábyrgum og hagkvæmum rekstri styrkjum við grunnstoðir bankans.
Íslandsbanki leggur umfram allt áherslu á að vera banki í fararbroddi með
framúrskarandi þjónustu.
Komdu í næsta útibú eða farðu á islandsbanki.is og kynntu þér breytingarnar.
Starfsfólk Íslandsbanka
Systkinin Hans og SophieScholl og vinur þeirra, Chri-stoph Probst, voru dæmdfyrir landráð á þessum degi
fyrir 66 árum. Síðar sama dag voru
þau hálshöggvin fyrir glæpi sína.
Fleiri félagar þeirra hlutu síðar
sömu örlög og annarra beið fangels-
isvist. Hvíta rósin, hópur and-
spyrnufólks innan háskólans í Münc-
hen, hafði verið upprætt.
Árið 1941 las Hans Scholl predik-
un eftir August von Galen biskup,
sem var harður gagnrýnandi stjórn-
ar nasista í Þýskalandi. Systir Hans,
Sophie, fékk leyfi til að fjölrita pre-
dikunina og dreifði henni meðal
nemenda í háskólanum. Í kjölfarið
fengu þau fleiri nemendur til liðs við
sig, þar á meðal áðurnefndan Probst,
en kjarni Hvítu rósarinnar var hóp-
ur níu nemenda, auk þess sem heim-
spekiprófessor þeirra, Kurt Huber,
tók virkan þátt í starfinu.
Hvíta rósin fjölritaði bréf, sem fé-
lagar hópsins reyndu að dreifa sem
víðast. Í fyrsta dreifiritinu sagði:
„Er það ekki rétt að hver einasti
heiðarlegur Þjóðverji skammast sín
núna fyrir ríkisstjórn sína? Getur
eitthvert okkar gert sér í hugarlund
þá skömm sem mun leggjast á okkur
og börn okkar þegar hulan fellur frá
andlitum okkar og hinir hræðilegu
glæpir verða dregnir fram í dags-
ljósið, glæpir sem eru meiri en nokk-
urt mannlegt viðmið þekkir?“
Það var ekki að undra að dreifi-
ritin færu fyrir brjóstið á nasistum.
Frá júní 1942 til febrúar 1943
skrifuðu félagar Hvítu rósarinnar
sex dreifibréf, þar sem þýska þjóðin
var hvött til andspyrnu gegn kúgun
og harðstjórn nasista.
18. febrúar 1943 fóru Scholl-
systkinin í háskólann með fulla
ferðatösku af dreifibréfum. Þau
flýttu sér að setja stafla af þeim við
dyr allra fyrirlestrasala, þar sem
stúdentar myndu finna þau að lokn-
um fyrirlestrum. Þegar þau voru á
leið út sáu þau að nokkur bréf voru
eftir, sneru við og Sophie kastaði
þeim fram af svölum forsalar há-
skólabyggingarinnar. Þessi hvatvísi
kostaði þau lífið, því húsvörður há-
skólans sá til systkinanna og kallaði
á leynilögregluna, Gestapo. Syst-
kinin voru handtekin sama dag, sem
og nánustu samstarfsmenn þeirra.
Réttarhöld yfir systkinunum og
Probst fóru fram 22. febrúar. Þau
létu engan bilbug á sér finna og Sop-
hie sagði við dómarann: „Þú veist
jafn vel og við að stríðið er tapað.
Hvers vegna ertu svo huglaus að
vilja ekki viðurkenna það?“
Dómarinn þurfti ekki langan um-
hugsunarfrest, hann dæmdi föð-
urlandssvikarana þrjá til dauða og
þau voru leidd undir fallöxina síð-
degis sama dag.
Hvíta rósin átti þó enn eftir að láta
að sér kveða. Síðasta dreifiritið barst
í hendur bandamanna, sem fjölföld-
uðu það í mörgum milljónum eintaka
og vörpuðu þeim yfir Þýskaland úr
flugvélum.
Félagar Hvítu rósarinnar öðl-
uðust mikla frægð eftir stríðið og eru
táknmyndir andspyrnu borgara við
ógnarstjórn nasista. Þegar áhorf-
endur þýskrar sjónvarpsstöðvar
völdu merkustu Þjóðverja allra tíma
árið 2003 urðu Scholl-systkinin í
fjórða sæti, á undan Bach, Goethe,
Gutenberg, Willy Brandt, Bismarck
og Albert Einstein. Stuttu áður hafði
víðlesið tímarit kosið Sophie Scholl
merkustu konu 20. aldarinnar.
Rósir Vinirnir Christoph Probst, Sophie Scholl og Hans Scholl í Munchen.
Á þessum degi
22. FEBRÚAR 1943
ENDALOK HVÍTU
RÓSARINNAR
Háskólinn Forsalur háskólabygging-
arinnar, þar sem Sophie Scholl kast-
aði dreifiritum fram af svölunum.
Dreifiritin Minnismerki á Scholl-
systkinatorgi við Háskólann í Munc-
hen. Í stéttinni eru dreifirit Hvítu
rósarinnar greipt í málm.
Kvikmynd Sophie Scholl fyrir rétti, leikin af Juliu Jentsch í þýsku kvikmynd-
inni „Sophie Scholl: Síðustu dagarnir“. Kvikmyndin var gerð árið 2005.