Morgunblaðið - 22.02.2009, Blaðsíða 29

um sínum af sjö ítölskum körlum á
þeim þremur mánuðum sem hún var
þar í landi fyrir morðið. En kannski
voru það „skapandi skrif“.
Þótt gula pressan á Ítalíu hafi far-
ið mikinn, þá er ítalska lögreglan
ekki síður viss um sök Amöndu.
Lögreglan vísar til fingrafara henn-
ar í herbergi Meredith og blóðugra
fótspora Raffaeles. Í herbergi
Amöndu sjálfrar fannst hins vegar
ekki eitt einasta fingrafar, hvorki
hennar né annarra, svo lögreglan
telur að einhver hafi þrifið herbergið
hátt og lágt til að eyða sönn-
unargögnum.
Deilt um gildi sönnunargagna
Á Ítalíu gildir sú regla, að hægt er
að halda sakborningum í varðhaldi í
allt að eitt ár, án þess að ákæra sé
gefin út. Þessi staðreynd hefur sætt
mikilli gagnrýni ættingja Amöndu
og bandarískra lögmanna, sem segja
þetta aðeins eina birtingarmynd
þess hversu lélegt kerfið sé á Ítalíu
og andsnúið sakborningum. Lög-
reglurannsóknin sé jafnframt öll í
skötulíki. Joseph Tacopina, þekktur
lögmaður í New York sem hefur
verið fjölskyldu Amöndu til ráð-
gjafar, sagði í samtali við frétta-
tímaritið Newsweek í mars á síðasta
ári að engin raunveruleg sönn-
unargögn væru fyrir hendi. Lög-
reglan hefði til dæmis þrýst mjög á
Amöndu við yfirheyrslur og sagt
henni að bareigandinn væri grun-
aður um aðild að málinu. Þá hefði
hún spunnið upp sögu um að hann
hefði verið í húsinu, en öll sú saga
bæri helstu merki falsks vitn-
isburðar.
Tacopina segir sönnunargögnin
gegn Rudy næg. Blóðug handaför
hans í herberginu og sæði á hinni
látnu segi alla söguna, enda hafi
hann játað aðild sína. Öðru máli
gegni til dæmis um erfðaefni Raf-
faeles á krækju af brjóstahaldara
Meredith. Sú krækja hafi ekki fund-
ist í húsinu fyrr en við fjórðu leit lög-
reglunnar, nokkrum dögum eftir
morðið. Og ekki ólíklegt að sambýl-
ingarnir hafi skipst á brjóstahöld-
urum. Þá sé ekki mark takandi á
rannsókn á hníf, sem fannst heima
hjá Raffaele. Erfðaefni Amöndu
fannst á skafti hans og það sem lög-
reglan ætlar að sé erfðaefni Mere-
dith á oddinum. En á því eru að vísu
aðeins 20% líkur og lögmaðurinn
bendir á að ef þetta væri morðvopn-
ið hefði lögreglan sannarlega getað
sýnt fram á það með óyggjandi
hætti, enda ekki hægt að þrífa blóð
svo af hnífi að ekkert greinist.
Undarleg viðbrögð
Eftir morðið flúði Rudy Guede til
Þýskalands, en var handtekinn og
fluttur aftur til Ítalíu. Hann neitaði
staðfastlega að hafa myrt hana, en
var dæmdur sl. haust í 30 ára fang-
elsi. Réttarhöldin yfir honum voru
fyrir luktum dyrum, en hann tók
þann kostinn að fá flýtimeðferð fyrir
dómstólum og þar með var fallið frá
kröfu um lífstíðarfangelsi. Fram-
burður hans verður notaður í mála-
ferlunum gegn Amöndu og Raffaele,
en hann mun hafa haldið því fram að
þau hafi bæði verið á morðstaðnum.
Amanda sýndi undarleg viðbrögð
eftir morðið á meðleigjandanum.
Það virtist fá lítið á hana og hún og
Raffaele leiddust hönd í hönd í búðir
og völdu kynþokkafull nærföt á
Amöndu. Sem varð ekki til að bæta
ímynd þeirra skötuhjúanna.
Allar líkur eru á að enn sé langt í
dóm í málinu. Með töfum og frest-
unum er líklegt að réttarhöldin
standi í allt að eitt ár. Amanda Knox
verður því áberandi í ítölskum fjöl-
miðlum enn um sinn.
REUTERS
Vettvangur morðs Litla húsið sem Amanda hin bandaríska og Meredith hin breska leigðu saman stendur nú autt.
Kærastinn Ítalinn Raffaele Solle-
cito, fyrrum kærasti Amöndu, er
ákærður fyrir hlut sinn í morðinu.
Myrt Breska stúlkan Meredith Kerc-
her var myrt á grimmilegan hátt.
Þessi mynd var tekin af henni á leið
á grímuball ári fyrir morðið.
Ásjóna morðingja? Amanda Knox
við réttarhöldin í Perugia, ákærð
fyrir morðið á breskri vinkonu
sinni, Meredith Kercher.
MORGUNBLAÐIÐ SUNNUDAGUR 22. FEBRÚAR 2009
Í heimaborg Amöndu Knox, Seattle, eru margir sem
ekki trúa því að hún sé það harðsvíraða morðkvendi
sem ítalska lögreglan og fjölmiðlar þar í landi fjalla
um. Þessi hópur hefur hafið baráttu til að styðja við
bakið á henni í réttarhöldunum og aflar fé með því
að selja boli, krúsir og húfur með áletruninni „Frels-
um Amöndu“.
Stuðningsmenn Amöndu telja ítölsku lögregluna
hafa klúðrað rannsókninni illilega. Á myndbandi lög-
reglunnar sjáist til dæmis hvar lögreglumenn þurrki
blóð af gólfi herbergis Meredith og hendi mik-
ilvægum vísbendingum til hliðar, bæði fatnaði og
hári.
Margir mikilsmetandi lögfræðingar hafa látið til
sín taka í baráttunni. Mike Heavey, dómari í Seattle,
ritaði opið bréf til dómstólsins á Ítalíu, þar sem
sagði að Amanda Knox ætti á hættu að verða dæmd
fyrir morð þar sem áhrif hefðu verið höfð á álit al-
mennings og dómstóla með ólögmætum og óviðeig-
andi hætti.
Þrátt fyrir baráttuna í Seattle er ólíklegt að Am-
anda Knox verði látin laus á næstunni. Mikil áhersla
hópsins á vanhæfni ítölsku lögreglunnar og dóms-
kerfisins hefur hleypt illu blóði í Ítali, sem segja að
fólk í níu þúsund kílómetra fjarlægð geti ekki sett
sig í dómarasætið með þessum hætti. Fjölskylda
Amöndu kann stuðningshópi hennar litlar þakkir fyr-
ir baráttuna og faðir hennar hefur lýst því yfir að
fjölskyldan hafi trú á ítölskum verjendum dótt-
urinnar.
„Frelsum Amöndu“