Saga - 1954, Side 19

13
fyrir coenam dómini“ (þ. e. skírdag). Páska-
dag bar upp á 30. marz þetta ár, og hefur Ketill
prestur því verið kominn til Rómaborgar fyrir
27. marz. Til ferðarinnar sýnast því hafa farið
allt að 50 dögum, eða nálægt 7 vikum. Hefur
ferðin tekið óvenjulega skamman tíma, að því
er virðist. Á uppstigningardag tekur prestur
við páfabréfi, þar sem erindi hans fyrir biskup
er greitt, en síðan leggur hann land undir fót
og „hleypr svo norðr eftir löndum“, að á 33.
degi er hann kominn norður undir Eystrasalt,
við Rostock. Þaðan tekur hann sér fari til
Þrándheims og er kominn þangað á Jónsmessu
(24. júní). Ferðin norður hefur þá tekið ná-
lægt 45 dögum. Sögnin um ferðalag þetta er
ekki annarstaðar en í sögu Arngríms, en fyrir
það getur hún verið sönn í aðalatriðum.
I áðurnefndum leiðarvísi er Rómaborg lýst
að nokkru leyti. Hún er sögð 4 mílna löng og
2 mílna breið. Þar eru sagðir vera 5 biskups-
stólar og 9 höfuðkirkjur, en því er við bætt, að
enginn muni vera svo fróður, að hann viti tölu
allra kirkna í borginni. Dýrlegust kirkna í
Rómaborg er kirkja Péturs postula talin. Hún
er sögð 460 fet að lengd og 270 feta breið. Hafi
þar nær staðið kross Péturs, sem hann hafi
verið píndur á, og þar eru sögð varðveitt „hálf“
bein postulanna Péturs og Páls, en „hálf“ í
kirkju Páls postula. í háaltari kirkju Péturs
eru og sögð varðveitt bein 30 lærisveina Krists,
þeirra, er fylgdu Pétri í Rómaborg. Að kirkju
Jóhannesar skírara (Lateran) eru greindir
ýmsir helgir dómar. Þar er blóð Krists, klæði
Maríu meyjar, mikill hluti beina Jóhannesar
skírara, umskurður Krists, mjólk úr brjóstum