Saga - 1954, Qupperneq 22

16
14 daga ganga til Rómaborgar. Til ferðar frá
Rómaborg þessa leið mátti því gera ráð fyrir
að minnsta kosti 5 vikum, en vitanlega hlaut
tímalengdin til þessarar ferðar mjög að fara
eftir því, hvernig byri gaf. Meðan kristnir
menn réðu löndum fyrir botni Miðjarðarhafs,
eftir fyrstu krossferðina (um 1100), þá var
pílagrímsför til Jerúsalem auðvitað greiðari og
áhættuminni, en þegar Múhamedstrúarmenn
réðu löndum þessum. En eftir að kristnir menn
misstu Jerúsalem (1187) hlutu slíkar ferðir að
vera áhættusamari, og einkum eftir 1291, er
Akka var fallin í hendur Múhamedsmanna, var
leiðin ógreiðari, þó að pílagrímsferðir þangað
austur héldist enn langan tíma.
Á leiðum þessum voru auðvitað mjög margir
staðir, sem pílagrímum var hollt að heimsækja.
1 hverri borg svo að segja var kirkja, sem helg-
uð var einhverjum helgum manni og átti helg-
ar leifar hans eða aðra helga dóma, og víða var
þess kostur að afla sér helgra dóma, þó að mest-
ar birgðir slíkra hluta væru sjálfsagt í Róma-
borg og um tíma líka í Jerúsalem, enda hafa
menn á þessum öldum ekki verið sérstaklega
heimildavandir um þau efni.
Ef fararefni leyfðu og þess var annars kost-
ur, svaraði það kostnaði að heimsækja Mikla-
garð (Constantinopolis). Þann stað hafa ís-
lendingar margir þekkt af sögum íslenzkra
Væringja, sem þar höfðu verið og sjálfsagt
hafa sagt margt frá dvöl sinni þar og dýrð
borgarinnar og mikilleik. Þar hafði Konstantín
mikli ráðið ríkjum og gert kristna trú að ríkis-
trú í ríki sínu á fyrra hluta fjórðu aldar. Þar
var ein höfuðkirkja kristinna landa, er Norður-