Birtingur - 01.01.1959, Page 3

Hvernig lízt þér á að við setjum saman smáviðtal fyrir næsta hefti Birt-
ings? sagði ég við Stefán Hörð þegar við sátum yfir kaffibolla heima hjá
mér kvöld eitt á útmánuðum.
Ekki sem verst, svaraði hann. Ef þú lofar að segja engum að ég hafi
orðið feginn, en skrifar eins og venjulega: eftir mikla eftirgangsmuni
lét hann loks tilleiðast!
Ég lofa því. Segðu mér þá: hvernig líkar þér við þessa borg?
Hún hefur engin áhrif haft á mig. Því að hinar fögru dætur hennar
hafa því aðeins haft varanleg áhrif á mig, að ég hafi getað haft áhrif
á þær.
Þú ert þó orðinn henni býsna samgróinn?
Nei, ég hafði mótazt að fullu í sveit og við sjó, þegar ég kom hingað
fyrst.
Mér finnst nú sjómaðurinn láta meira að sér kveða í ljóðum þínum en
sveitarmaðurinn.
Birtingur 1