Birtingur - 01.01.1959, Qupperneq 8

koma fram nokkur vonbrigði yfir uppskerunni, og segjast ritstjórarnir
hafa horfið frá birtingu úrvalsins að sinni, en valið tvö kvæði til kynn-
ingar. Annað þeirra var Gamall fiskimaður, og fylgdu þessar tvær línur
um höfundinn: „Stefán Hörður Grímsson er sjómaður í Vestmanna-
eyjum, 23 ára gamall, og mun þetta vera fyrsta ljóð hans á prenti.“
Um haustið, heldur Stefán Hörður áfram, fórum við Gestur til Reykja-
víkur, bjuggum á Hótel Heklu og fengum okkur vinnu í hitaveiturmi.
Einhvern tíma nokkru seinna rakst Ási í Bæ hingað suður. Varð þá að
ráði að við færum suður í Hafnarfjörð til Magnúsar Ásgeirssonar, vitj-
uðum ritlauna fyrir gamla fiskimanninn og kæmum þeim í lóg. Mér var
þetta strembin för. Helzt hefði ég viljað senda Ása inn og bíða sjálfur
utan dyra, herti mig þó upp í að fylgja honum eftir. Ási hafði orð fyrir
okkur, talaði lengi af vængjaðri mælsku við skáldið, en ég lauk varla
sundur vörum: var að drepast úr feimni. Við fengum peningana.
Og gerðuð ykkur glaðan dag?
Um þessar mundir bjó Hannes Sigfússon á efstu hæð hússins á horni
Hverfisgötu og Ingólfsstrætis, beint á móti Ingólfscafé. Ási hafði kynnzt
honum úti í Eyjum nokkrum árum áður, þegar Hannes var í förum með
ströndum fram sem sölumaður. Við fórum upp til Hannesar og fengum
góðar viðtökur. Hannes var þá að skrifa sögu, langa smásögu, og las
fyrir okkur lon og don. Hann mátti þá heita óþekktur, en var andskoti
skáldlegur ásýndum þótti mér. Þegar á leið kvöldið fórum við niður í
Landssímahús að hitta Jón óskar. Hann var þá næturvörður hjá síman-
um, orðinn margfrægur verðlaunaður smásagnahöfundur, einnig búinn að
birta nokkur kvæði í tímaritum, heitt elskaður af konum vegna skiln-
ingsríkra ástarljóða, þú manst:
Og ég sagði við þig: Viltu senda mér bros,
viltu syngja mér lag?
Þú ert sólskin míns lífs. Þú varst syndug í gær.
Þú ert saklaus í dag.
Hann leyfði okkur að heyra ljóð og söng eftir sig lag.
Hvað segirðu: lag? Var það göfug tónlist?
Ojá, í samanburði við sönglistina var hún það.
Ég seilist nú upp í hillu eftir fyrri bók Stefáns Harðar: Glugginn snýr
í norður.
Áttu þessa bölvaða vitleysu? spyr hann.
Það er nú líkast til. Hver gerði káputeikninguna?
Jóhannes Jóhannesson við tungl í Tjarnargarði. Eina listaverk bókarinnar.
Manstu hvaða kvæði er elzt í þessu kveri?
Stefán Hörður tekur við bókinni og flettir henni með þeim aðförum sem
6 Birtingur