Vera - 01.08.2002, Page 12

mér finnst
Birna Berndsen, verkefnisstjóri Congress Reykjavík
Hvernig skóla viljum við?
Þá er haustið á næsta leiti með öllu sem því fylgir. Skólastarfið, myrkrið, rign-
ingin og kuldinn. Félagsstarfið, Ijósadýrðin, stofuhlýjan og náungakærleikurinn.
Spurningin hverju vill maður að skólinn skili fyrir börnin sín er fastur liður eins
og venjulega á hverju hausti. Tengsl skóla og heimilis eru órjúfanleg í nútíma
samfélagi því skólinn verður að taka að sér þær félagslegu skyldur gagnvart
börnunum sem foreldrar geta ekki annað vegna breyttra lífshátta.
Sjálfstæði, ábyrgð, virðing og umhyggja
Uppeldislegt höfuðmarkmið heimila og skóla hlýtur að vera
að börn læri að standa á eigin fótum, hafi vald á og beri
ábyrgð á eigin lífi og sýni öðrum virðingu og umhyggju. Ef
þau kunna líka að lesa, skrifa og reikna er það fínt en hitt er
mikilvægara.
A sínum tíma, þegar einsetning skólans hófst, virtist eins
og nú ætti loks að aðlaga skólastarfið daglegu lífi í meira
mæli en áður. Umbreyta honum úr geymslustað í stofnun
sem skilaði börnum sem væru lífsglöð og sæju lífið sem
tækifæri en ekki sem vandamál. Kennsla í lífsleikni er hluti
af þeirri hugmyndafræði en því miður virðist viðhorfið vera
að með því að kenna lífsleikni tvisvar í viku, 40 mínútur í
senn, sé kennslu í að takast á við lífið fullnægt. Auðvitað er
ýmislegt gott sem fer fram í skólanum okkar fyrir utan hefð-
bundna kennslu, t.d. danskennsla og leiklistarstarf. Það
væri hins vegar yndislegt ef íþróttaiðkun, tómstundastarf og
listiðkun færi þar einnig fram, í stað þess að
sækja þurfi slíka kennslu í ótal áttir eftir að
skóladegi lýkur með tilheyrandi fyrirhöfn og
útgjöldum. Skólinn ætti að gefa öllum tækifæri
til að spreyta sig við sem flest og vafalítið
myndi þetta auka aðsókn í sérhæft nám í listum
ásamt því að auka þátttöku í félagsstarfi alls
konar.
Ferðalög ættu að vera reglulegur þáttur í
skólastarfinu með markmið aukinnar félags-
legrar færni í huga, en ekki notuð sem fylling-
arefni í upphafi skólaárs eða sem einhvers kon-
ar verðlaun í enda skólaárs.
Lestur, skrift, reikningur, landafræði, nátt-
úrufræði og kristinfræði verða aldrei ofanáliggj-
andi eða ríkjandi þættir í daglegu lífi fólks
nema það sérhæfi sig í einhverju af þessu.
Draumaskólinn
Islenskt skólakerfi einkennist auðvitað af okkur
Islendingum, þjóð sem enn ber keim af frum-
byggjaþjóðfélagi. Þættir eins og menntun og
þjónusta hafa aldrei verið hátt skrifaðir og
stefnan ávallt sett á 1100 ára gamla frumfram-
leiðsluþætti eins og landbúnað og sjávarútveg
og nú síðast byggingu orkuvera og álvinnslu
sem að öllum líkindum rísa 50 árum of seint.
Stærðfræðiæðið sem kollreið öllu hór um
árið þegar Islendingar fóru að horfa til Asíubúa
sem viðmið um bætta stærðfræðikennslu segir
eiginlega allt sem segja þarf um svokallaða
þjóðarsál. Framleiðsla á stærðfræðingum var
það sem koma skyldi hér. Góð stærðífæðiþekking er
nauðsyn en hún gagnast lítt við lausn tilfinninga-
legra verkefna sem ávallt skipa stærstan sess í lífi
okkar.
Skóli þar sem einstaklingarnir fá þjálfun í mann-
legum samskiptum í leik og starfi og læra umburðar-
lyndi gagnvart náunganum. Skóli sem þjálfar börnin
okkar í að takast á við hin ýmsu vandamál sem upp
koma í daglegu lífi. Skóli sem gefur færi á að kynnast
þeim aga sem fylgir því að læra á hljóðfæri, stunda
íþróttir eða tómstundaiðju, ásamt hefðbundnum bók-
legum námsgreinum. Slíkur skóli er að mínu skapi.
Ef einhver stjórnmálamaður gerir þennan skóla að
veruleika á hann stuðning minn og minna.
Ég skora á Heru Hallberu Björnsdóttur hjá Rann-
sóknum og Greiningu.
Sængurfataverslunin
Glæsilegt úrval af silkidamask- og
satínrúmfatnaði
Tilvalið til brúðar- og tækifærisgjafa
Mikið úrval af vöggusettum
og barnarúmfatnaði í fallegum mynstrum.
Einnig sængur, koddar, teygjulök, handklæði o.m.fl’
Saumum teygjulök eftir máli.
Merkjum stafi og nöfn í rúmföt, handklæði og
vasaklúta.
Póstsendingarþjónusta
Opið virka daga frá kl. 10-18
og laugardaga frá kl. 10-14
Verið - Njálsgötu 86 - Sími 552 0978