Vera - 01.08.2002, Side 14

Elísabet Þorgeirsdóttir
karlveran
Jafnréttishugsun
var normið hjá
minni kynslóð

Wk
■ :'ík

(0
<u
>
14
Cunnar Páll Pálsson er nýkjörinn formaður Verzlunarmannafélags Reykjavíkur
en hefur starfað þar undanfarin tíu ár sem fjármálastjóri. VR hefur lagt áherslu á
jafnréttismál undanfarin ár og hvatt konur sérstaklega til að vera harðari í launa-
kröfum. Fyrir það fékk félagið Jafnréttisviðurkenningu Jafnréttisráðs í ár. Af því
tilefni og vegna þess að Gunnar Páll á sæti í Jafnréttisráði fyrir hönd Alþýðusam-
bands íslands er hann Karlveran að þessu sinni.
Gunnar Páll er viðskiptafræðingur og eftir að hann
lauk námi 1987 starfaði hann hjá prentþjónustunni
Korpus og Apple umboðinu en gerðist fjármálastjóri
VR haustið 1992. Hann segist snemma hafa farið að
starfa að öðru en umsýslu fjármála hjá VR enda hafi
verið erfiðir tímar í þjóðfélaginu fyrstu árin eftir að
hann kom til starfa. Þá voru Islendingar að upplifa
það að atvinnuleysi væri staðreynd og mun meiri
neyð ríkti hjá fólki en síðar varð. Þeir erfiðleikar fóru
ekki framhjá starfsfólki VR.
„A þessum tíma gat maður rekist á grátandi fólk
hér á göngunum en það er sem betur fer liðin tíð,“
segir hann. „Eg hafði umsjón með greiðslu atvinnu-
leysisbóta og fékk við það góða innsýn í stöðuna á
vinnumarkaðnum. Ég tók síðan þátt í kjarasamninga-
ferlinu 1995 og var í framvarðasveit VR í þeim mál-
um 1997 og 2000,“ segir Gunnar Páll þegar hann rifj-
ar upp aðkomu sína að félaginu. Hann bætir síðan
við að undanfarin átta ár hafi hann verið í stjórn Bú-
seta, þar af formaður sl. þrjú ár, en hætti því þegar
hann tók við formennsku í VR. Það starf hafi líka gef-
ið sér innsýn í kjör hins almenna launamanns.
Hvernig er kynjciskiptingin innan Vfí?
„Ef við lítum á svörin sem við fáum í launakönn-
unum okkar er hlutfallið 60% konur og 40% karlar
en samkvæmt félagaskrá er hlutfall kvenna enn
hærra, eða 70%. Það skýrist af miklum fjölda ungra
kvenna sem eru í hlutastörfum með skóla og svara
launakönnuninni síður.“
200.000 króna meðallaun
Hvernig kom það til að þið fóruð að leggja sér-
staka áherslu á að hvetja konur?
„Okkur fannst ástæða til að setja jafnréttismál á
oddinn því þar var mestra lagfæringa þörf. Upphafið
var líklega þegar við ákváðum að greiða hærra fæð-
ingarorlof til félagsmanna 1998, þ.e. tryggja að allir
íái 80% af launum sínum. Greiðsla Tryggingastofn-
unar var þá um 70.000 krónur, sem er 80% af um
90.000 króna launum, en nú fá allar manneskjur
80% launa sinna frá Tryggingastofnun ríkisins eftir
að lögum um fæðingarorlof var breytt.
Um svipað leyti hófum við auglýsingaherferð til
að reyna að minnka launamun kynjanna þar sem við
hvöttum konur til að gera hærri launakröfur og vera
harðari í launaviðtölum. Þá var núverandi launakerfi
okkar að þróast en það byggist á því að gerð er launa-
könnun meðal félagsmanna og hún gefin út. Þar með