Freyr - 15.09.1978, Qupperneq 61

máli og er það því enn á verkefnaskrá
nefndarinnar. (Fyrir liggur skýrsla um
þessar viðræður).
Þess má geta, að kjötverð hefur hækkað
á þessu ári í Noregi í kjölfar samninga
bænda við norska ríkið. Norðmenn hafa
greitt okkur verðuppbót fyrir kjötið. Hún
nam um 26 millj. kr. í fyrra, en er nú um
48 millj. kr.
Ritari nefndarinnar fór til Svíþjóðar og
Danmerkur og kynnti sér verðmyndun og
markaðsfærslu á dilkakjöti. (Skýrsla um
þetta efni liggur fyrir).
Kjötið er selt á vegum sölusamtaka
bænda í Svíþjóð (Sveriges slakteriför-
bund). Verðið, sem við fáum fyrir það,
tekur mið af markaðsverði á sænsku dilka-
kjöti og er kjötið ekki sérstaklega auglýst
sem islenskt.í Danmörku er kjötið hinsveg-
ar selt í samkeppni við nýsjálenskt dilkakjöt
og eru verðlagsáhrif þess mjög ráðandi á
markaðnum. Kjötið er auglýst sérstaklega
sem íslenskt kjöt í Danmörku. Verðlag á
dilkakjöti er svipað og á svínakjöti, en
nautakjöt er mun dýrara. Erfitt virðist að
breyta þessum hlutföllum, meðan við kepp-
um við Nýsjálendinga á markaðnum. Þeir
virðast hafa meiri áhuga á að selja mikið
magn heldur en að fá hátt verð. í ferð sinni
ræddi JónRagnar við forstjóra Landbrugets
Afsætningsudvalg í Danmörku. Það er sú
stofnun, er hefur yfirumsjón með markaðs-
málum og kynningarstarfsemi danska land-
búnaðarins. Þessi stofnun er reiðubúin að
veita okkur aðstoð í okkar markaðsmálum
og hefur raunar gert það með því að senda
okkur sérfræðing á sviði markaðsmála.
Hann heitir Carl Eriksen og er forstjóri
hjá Dat-Schaub, sem er eitt af samvinnu-
fyrirtækjum danskra bænda. Eriksen kom
hingað til viðræðna við nefndina og dvaldi
í þrjá daga. Hyggur markaðsnefndin gott
til samstarfs við Eriksen í framtíðinni.
Þá má geta þess, að markaðsnefndin hélt
fund með fulltrúum frá kjötsölufyrirtækj-
um bænda á Norðurlöndum sl. vor, en þeir
voru hér á fundi í einni af nefndum NBC-
samtakanna á sviði kjötframleiðslu. Þá
hefur K.C. Knudsen, innflytjandi dilka-
kjötsins í Danmörku, mætt á fundi hjá
nefndinni.
Ekki alls fyrir löngu sat markaðsnefndin
fund með Frakka að nafni Claude Sheuer,
en hann er starfsmaður frönsku samvinnu-
samtakanna og kom hann hingað á vegum
Sambandsins til að ræða um útflutning á
dilkakjöti til Frakklands.
Ritari nefndarinnar var nýverið í Fær-
eyjum, þar sem hann ræddi við kjötinn-
flytjendur, ýmsa forsvarsmenn bænda og
landbúnaðarráðherra Færeyja um mark-
aðsmálin í Færeyjum og möguleika á aukn-
um tengslum íslenskra og færeyskra
bændasamtaka.
Auk funda með áðurnefndum aðilum
hefur markaðsnefndin rætt við ýmsa aðila
hér innanlands, t. d. varðandi vinnslu á
kjötvörum, nýtingu innmatar, nýjar kjöt-
vörur o. fl. Nefndin telur nauðsynlegt að
reyna að þróa nýjar vörutegundir, t. d.
reyktar, sem hægt væri að bjóða sem sér-
meti erlendis fyrir hærra verð en dilka-
kjötið er selt á nú. Sömuleiðis hefur mikið
verið rætt um pörtun og pökkun á dilka-
kjöti, sem er í senn atvinnuskapandi og
ætti að geta lækkað flutningskostnað. Ekki
er hægt að segja, að niðurstöður hafi feng-
ist í þessum málum, og þau eru því enn
ofarlega á verkefnalista nefndarinnar.
Það mál, sem hæst ber þessa dagana, er
útflutningur á fersku kjöti til Frakklands,
Danmerkur og Svíþjóðar. Hér er um al-
gera tilraunastarfsemi að ræða og verður
fróðlegt að sjá, til hvaða niðurstaðna þess-
ar tilraunir leiða. Kjötið verður flutt út
flugleiðis, og er í athugun, hvort ekki sé
hægt að flytja það í allt að 5 tonna skömmt-
um með áætlunarfluginu. Þetta mál hefur
mikið verið rætt við forsvarsmenn Flug-
leiða og ríkir mikill áhugi fyrir, að þessar
tilraunir megi takast. Mikil samvinna er
um þetta mál milli nefndarinnar og Sam-
bandsins.
Þá hefur verið rætt um útflutning á lif-